مساحة إعلانية
هالأرض فيها من البشر أجناس
في بشر ناس وفي بشر مش ناس
في ناس دوم جبينها عالي
وفي ناس لازم بالقدم تنداس
في ناس راسا من العقل خالي
بدل الفكر بعقولهن وسواس
في ناس لازم ياكلو نخالة
وفي ناس بين عيونها بتنباس
في ناس عم يمشو متل آلة
شكلا حلو وجوّا تنك و نحاس
في ناس خلقوا معدنُن غالي
و عندُن قصر أغلى من الألماس
في ناس قضّوا العمر بطّالة
كانو عَخزنة فاضية حرّاس
في ناس هودي بيشغلوا بالي
عندُن جسم لكن ما عندُن راس
في ناس قضّوا العمر بطّالة
كانو عَخزنة فاضية حرّاس
في ناس هودي بيشغلوا بالي
عندُن جسم لكن ما عندُن رااااااس
في ناس فوق الخيل خيّالة
قلبُن بأرض المعركة متراس
في ناس للأسرار طبّالة
بيحكوا حكايا بتحبس الأنفاس
في ناس للأخبار نقّالة
روحُن أكيدة مخاوية الأنجاس
في ناس لو سهروا مع الوالي
عندُن وزن بالجوهر بينقاس
وفي ناس عقلُن كومة زبالة
ما لن دوا إلّا عصا الكنّاس
في ناس خلقو عَالدّني عالة
في ناس عبّو من الدّهب أكياس
هيدي البشر عندُن ألف حالة
عندُن وفا وبقلوبهُن إحساس
في ناس من الأخلاق ميّالة
في بشر ناس
وفي بشر مش ناس
هيدي البشر عندُن ألف حالة
عندُن وفا وبقلوبهُن إحساس
في ناس من الأخلاق ميّالة
في بشر ناس
وفي بشر مش ناس
هيدي البشر عندُن ألف حالة
عندُن وفا وبقلوبهُن إحساس
في ناس من الأخلاق ميّالة
في بشر ناس وفي بشر مش ناس
التعليقات