كلمات اغنية بلقيس – بوح المحبه

يا ملهمي في الشعر يا عالي الشاني

يا حي طاري غرامك في الهوى حيّه

يا مكيف جوّي بعدك عفت فنجاني

يا راحتي ، يا مزاجي ، وأغلى أمنية

سبقت كل من لفى ميدان وجداني

تكسب نواميس قلبي وانت واليّه

حبك جموح الخيول أتعبت فرساني

ألجم شعوري ، وهايج حبك يعيّه

غرام غيرك سفر وأعيانك أوطاني

أهوى الوطن ، وأستقر ، طبعي وطنيّة

حاكم خفوقي وخذ عرشي وتيجاني

مستولي خافقي في قصور مبنية

أقدر لأحكّمه والحلم يحواني

تكسبنا الدنيا وأمانينا منسية

ما فاد وهم الهوى محروم يعاني

ما بين (يا ليت) و (لو قفّى) لياليّه

لكن عندي عزم وأطباع جدّاني

واللي بيصبر لقى عيشته مهنيّة

أصبر على شوفتك وتقر الأعياني

وأحلم بيوم أشوف إيديك في ايديّه

حلمي أعيشك عمر من دون نسياني

هيضتني وأبقى أنا طبعي خيالية

أهواك ولو هو خطا ما يعوضك ثاني

أنت السعد والرضا وأحلام وردية

يا ملهمي يا ملهمي