مساحة إعلانية
@AdhamSaabrri
1 minute ago (edited)
كلمات :
البيت بطئ بطئ وانا لسه مش بطيق
احسبها قبل ما ببدأ احسبها في نص الطريق
كلور على جروحي .. طيب الصديد
في عز ما كنت حازم امام كنت انا الخطيب
بس بسيطه .. اشبك الفانز الفصيله
ربك يعلم ادهم عنده المعجم والقصيده
اسيب اللي في نصيبي واخد اللي فيه نصيبك
بردو ربك يعلم ادهم عندو الحكمه والبصيره
الboss مفتقد
تسمع تهص تنضبط
بعد الرص انتقد
مش ببص وافترض
اديني النص وانطلق
واقف عالغصن المضطرب
بنعديلك كتير بس
يالص انضبط
بس سيبك
انا مش فاضي مش جاي اطلع افيدك
نص تراك كافي اني اطبع جريده
اقنعتو ازاي ينجح وانا متمطع غريبه
كل ده وانتو لسه في مصنع توشيبا
ودي الضريبه ، دي السطور
دي الاصول
ده مجالها وده من بنها ده منهور
والتاني داس عالنجمه خارج نطاق الخدمه
عشت سنين في السذاجه وصلت لدار الحكمه
طوبه على التربه للغربه التاريخ اتوثق
اتعصب لو الحوار في تورته مش هننسق
الفنان بيتوسط والعداد هنا يتكسر
والدنيا ماشيه والتجارب بتتقسط
اقنعت نفسي اني اسيب الايام تفوت
الفكر اتغير حطيت طموحاتي في التابوت
دلوقتي ثابت على اللون عيني مش هتشوف النوم
الصبر مفتاح الفرج قومت خالع الكالون
اجري قولهم ، اجري قولهم
ماشي حافي حاطت جزمتي في بوقهم
ده تعميم لكل التعبانين
لو هم تعابين سهله اني اغير جلدهم
كلام زي المطر ينزل يبوش دفاتر
كل ما براب للشجر أسال ليه الطيور بتهاجر
دي منطقة خطر
مش مجرد رابر
بقطع راس البقر في عين الهندوس كافر
بالمناسبه قدرت الازمه على سن الجزمه
مش ببالغ لما قولت عتقت الشباب في الخزنه
مش هتكلم عنهم اصلاً اسراب اغراب
مش هقول اسرار اتراك اسلاك وصلاك؟
دماغي مش بتشطب رغم اني هندسه
بسمع النصايح وانا مشغل المكنسه
القلب بيتوه والدماغ اهي بتفول
عرفهم اني كل مره برجع اتقل مالاول
ايه جديد
جربت اجي على نفسي وكان مفيد
بس من غير تبذير ومن غير اي تفسير
كل ماعرف اكتر اعرف ان اللي معرفوش كتير
يلا تاني ، جاي يتكلم قدامي
يضربو امثالك يضربو المثل بأمثالي
يوم السعد جامي زي دخلة سعد الدالي
رؤية عين العقل واضحه والنضج في كلامي
وكلامكو فيك بس الاصل مستور
افكاري للأسف خارجه بره عن نص الدستور
بس انا اصلاً دكتور وحتى المصل بالدور
هتوريني العين الحمره اوريك رفصة التور
التعليقات