مساحة إعلانية
سلام فين السلام
سلام فين السلام
سلام فين يا بياعين الوهم
قربكم ماجابش ليا غير الهم
طول عمرنا ماشوفناش أبدا حب
طول عمرنا ماشوفناش غير الكره
بنبعد لاي مكان و بنهرب من القرب
ضد اي قيود راسنا فوق و لسانه حر
مش عبيد للفكره هتلاقينا مختلفين
مهما نبعد ديما هتلاقي علينا العين
الخوف منا مخلي اعدائنا متجمعين
لو مديتلي ايد هعرف اوام انه كمين
لوحدي اتعلمت اعيش أقع و اقوم
ضد التيار و مع أسماك القرش هتلاقيني بعوم
بجري علي رزقي وسط ظلم عليا محكوم
علي العهد مكمل ابويا و امي ليا نجوم
الحق عند الحق لي معاد مكتوب
لو مهما يغيب راجع مفيش هروب
ولو الباطل صوته عالي فربك رب قلوب
ولو الخونه كتير فأهلاً بالحروب
وقت ضرب النار عارف اني مش هستخبي
مش مستعجل هولعها عليك حبه حبه
بركان م الغضب و ماتلومنيش علي اي الضربه
أديتك فرصة تبقي راجل بس دي عليك صعبة
اتعودت علي الكر و الفر و أنا اتعلمت اني أواجه
بعيش كل يوم مستعد و باي غدر مش هتفاجأ
طبعكم مش هتشتروا كلها علي الأسياد بتتسابق
و أنا كسرت كل التماثيل مفيش تعاطف مع سارق
التعليقات