مساحة إعلانية
سألت كرهت التفاصيل
سألت سمعت دوشة كتير
غلط و صح بس بينهم ضمير
و البشر بتختلف ما بين الاتنين
و أنا جوا دماغي مش طالع منها
مش مآمنها بس حافظ مداخلها
رغم إن الخروج صعب أو مستحيل
بس أنا حر فى أى حاجة بعملها
شياطين بتنده الصوت بيقرب و أنا نازل للقاع
عارفين بدايتها لكن نهايتها شىء اكبر من الصعب
العمر عبارة عن سنين قال و احنا إلى فاكرين
لسة بدري على كل حاجة لسة كل شىء بعيد
مبقتش فى ضلمة السواد هنا بقى اوس ٢٠٠
ف فى المستقبل يمكن يحكوا عنا اساطير
بس البشر عايزانا ماريونت
غير كدة خيبت أو سيبت ..
حتى لو عاتبت تبقى عيبت
مهما قاتلت عشانهم برضو هربت
و انا زهقت للجميع كتير حاسبت
يوم ما ستفت الورقتين و سستمت
اتعلمت و هندلت و نسيت انى عاملت
البشر تانى اتغاشمت و رجعت ف القلب حكمت
العمر عدى و أنا فيه قطعت
العالم كله فى دماغى صدعت
شوفت الجحيم فى ودنى الرعد
قالوا هيموت و يتنسى صبعت
جربنا مسكنات متنفعش مبنساش
اتوهمت لما قولت لنفسى هستناك
مشكلة قلبي مفضوح وقتها مخباش
مكنش عايز حاجة غير يبقى معاك
بس كله رايح لازم هفضل طايح
فالكل مسمعش منهم و لو نصايح
لسة نصي ضايع لسة غالب الطابع
لسة بنتوجع عمالين نفضفض لصابع
التعليقات