كلمات اغنية ذكرى – المحبة

المحبه حبيبي .. من تغره يروح

اترك اللي يغرك .. وخذ بصافي الكلام

لا تعذب خفوقك .. تلحقه بالجروح

خل قلبك عزيزٍ .. لا تذله حرام

لا تحاول تجاري .. حب كله جروح

تشقي القلب ومالك منه إلا الملام

حاول انك تباعد .. قل للشوق روح

صدق انه يجيلك .. صادقٍ باغرام

لا تجاهر بشوقك .. بس خلك طموح

إن نسيت المشاعر .. ما غدى لك مرام

من يعاتب حبيبه .. لازم انه يبوح

لا يحاول يخبي .. مابقى من غرام

المحبه حبيبي .. تبري كل الجروح

المحبه عظيمة .. اصلها احترام

واسمع اللي اقوله .. خل قلبك سموح

لا تحاول تعاند .. من يحب بسلام

هذا سنة حياتك .. من عذاب النصوح

شاف مر الليالي .. عايشٍ ما يلام