مساحة إعلانية
انا واد بيعافر وبيتنطط ع الاسوار
انا حد مسافر شايل شنطته باستمرار
لا الناس ولا دنيتي حاسه
باللي بيحصلي ولسه
دانا حاطط ايدي علي قلبي
يازمن غدار
انا عايش احط النار من بدري علي البنزين
وصحيت م الحلم في نص الفيلم
وقلبي حزين
لا طريق ولا صاحب نافع
ولا عارف عني ادافع
ورميت الابره في كومة قش
بقالها سنين
والدنيا بحالها متشغلنيش
انا مش مشكلتي احلم او اعيش
انا سامع صوت وكأنه سكوت
عايش ايام مبتشبهنيش
وبغني لناس مبتسمعنيش
وانا خايف اعيش وانا معرفنيش
انا بيت مفتوح لضيوف فعلا ملهمش معاد
انا فندق في سكان دايما عن بعض بعاد
انا مركب خايفه تخطي
يطلع شطها غير شطي
لو عارف اخر الرحله دي ايه
همشيلها بلاد
ولا جوكر كسبان ولا شايب وانا هشكي لمين
انا واد بيقش دخلت اللعبه كبرت سنين
حبيت احساسي قتلني
ورهان الحب خذلني
دلوقتي بقيت واحد لكن
جواه اتنين
الدنيا بحالها متشغلنيش
انا مش مشكلتي احلم او اعيش
انا سامع صوت وكأنه سكوت
عايش ايام مبتشبهنيش
وبغني لناس مبتسمعنيش
وانا خايف اعيش وانا معرفنيش
التعليقات