كلمات اغنية جون سمير – أوبريت سليمان الحكيم – مشهد 2

سليمان: جهزت كل حاجه علشان بكره يا صادوق ؟

صادوق: زي ما امرت يا جلاله الملك ، ألف ذبيحه في انتظار انها تتقدم محرقه لإله أسرائيل

سليمان: الذبيحه و العباده اللي بنقدمها لربنا كل يوم هي دليل علي اخلاصنا و محبتنا ليه و لشكره علي عطاياه لينا..

صادوق:

بس امتى يا ملكي يكون فيه مكان

نقدم فيه الذبايح زي زمان

مش خيمة خلاص بقيت قديمة

ولا مرتفعات مش بنحس فيها بقيمة عظيمة

سليمان:

انا مش ناسي وعد الله

هابني هيكل يوصل لسماه

بس لسه مجاش الأوان

لاعظم هيكل في هذا الزمان

تاني يوم في جبعون

شعب 1: هو ايه كميه الذبائح الي موجوده النهارده ديه؟؟

شعب 2: فعلا عندك حق في حاجه غريبه عليا..

صادوق: احنا مستنيين أمر جلالتك يا مولاي علشان الكهنه يبدأوا تقديم الذبائح زي ما أمرت

سليمان: أبدأوا في الحال اول ذبيحه و ارجو ان الله يقبلها عني و عن شعبي تطهيراً لخطايانا

الحلم

صوت ربنا: يا سليمان .... يا سليمان .... اطلب في ملكك ما تريد

كل اللي هتحلم بيه هيكون منه ليك نصيب

سليمان:

رحمة عظيمة فعلت مع عبدك داوود

ملكتني وانا فتى صغير على هذا الجود

ربي طلبي منك بسيط

مش عايز جاه ولا فلوس ولا سيط

نفسي بس يكون لي حكمة

و في وسط شعبي يبقالي كلمة

كلمة تقول الخير والشر... اعرف احكم أنا بالحق

وحكمي وسط شعبك دايما يكون يكون ادق

صوت ربنا:

من اجل سؤالك وهذا الكلام

وانك لم تطلب اياما كثيرة

ولا فلوس ولا انتصار على الأعداء

لكن طلبت حكمة وتمييز الأشياء

هوذا قد فعلت حسب كلامك

هوذا اعطيتك قلباً حكيماً

لا يكون مثلك كل ايامك

ولا قبلك من الملوك في احكامك

واذا سرتَ في طريقي

وحفظت وصاياي

اطيل ايامك يا ابني وفتاي