مساحة إعلانية
الو .. قلبي و تليفوني بـ ذكرياتنا إتملوا
و اللي كانوا جمبي زهقوا من همي و بطلوا يسألوا
طب بالذمه .. مش كان ممكن نرجع بـ كلمه
لسا برن مع إن رقمك غير موجود بالخدمه
رخصتيني و كنت غالي قلبي بعدك اصبح خالي
بقول منتيش وحشاني و مرتبط بيكي في خيالي
الغلط كله عندك ليه يا قلبي يا عذبتني
حبيت واحده حبت واحد حب واحده بتحبني
طب ليه قولتيلي بحبك .. علشان حبيتك فعلاً
و ادي حُبك ليا طلع لعنه و كنت فاكره نعمه
مبقاش فيه شئ ما بينا .. بعدك كرهت الدنيا
ليه بتعيشي دور الضحيه .. اسفه خسرتك انا غبيه
وحشتني .. ازاي كده كرهتني
ما انتي اللي خلاص هديتي عليا كل اللي بيتبني
انتي اللي مشيتي و كنت ماسك فيكي بـ ايدين
قولتلك هترجعيلي و الحياة سلف و دين
--
ياريت كان ينفع نرجع تاني
بس بعد ايه خلاص منفعش
--
منفعش .. قلبك من التمثيل مشبعش
اديكي بيعتي و كنتي قايله ليا زمان متبيعش
و عشان مكدبش .. انا كنت غبي مبتعلمش
هاتيلي طعنه واحده جت منك و معلمتش
معلش .. انا عارفه ان انا غلطانه في حقك
و انا كمان غلطت في حقي لما اديتك اكبر من حجمك
انا كنت جمبك و انتي كسرتيني و بهدلتيني
كنت مخلص ليكي و انتي بـ حد تاني بدلتيني
مش عارفه اسامح نفسي اصلاً فـ اتمنى تسامحني
و لو غلطت تاني ساعتها من طريقك زيحني
انا اسفه انك هونت عليا و كنت عليك مبهونش
بس اللي يحب بيسامح .. لا اللي يحب مبيخونش
محسيتيش انك غلطانه و انتي بتبيعيني !!
مصعبتش عليكي و انتي كل يوم بتقتليني ؟
جسمي خس و تحت عيني سواد معادش فيا صحه
صحيح كان ممكن نرجع بس لو اللي مات بيصحى
--
ازاي قدرت تنسى اللي ما بينا و تكمل حياتك من غيري ازاي قدرت تنساني ؟
--
عشان انساكي ظلمت معايا بنات ملهمش ذنب
و منسيتكيش و مازلت للنهارده واخدلي جمب
لسانك كان مدب و غيابك اثر بالسلب
يكفي اني عايش ميت جوه جسم مفهوش قلب
ارجوك اسمعني انا مستاهلش منك كده
انا عمري ما اذيت حد عشان تإذيني بالشكل ده
مقصدتش .. زرعت حُب لكن محصدتش
رقمك لسا حافظه للنهارده و متصلتش
طب ليه .. مبقتش تحن ليا ولا ايه
كل اما قلبي يحن ألاقي كرامتي تدوس عليه
الحمد لله مستوره , في الاحزان بقيت اسطوره
بكره هقابلك و راسي مرفوعه و انتي عينيكي مكسوره
فوقي .. هو انتي مين علشان احبك
انا اللي كنت حبيبتك اعذريني انا ناسي اسمك
طب بالذمه .. مش كان ممكن نرجع بـ كلمه
القلب اللي إنتي طالبه يحِن غير موجود بالخدمه
التعليقات