مساحة إعلانية
خلصنا عالبنزين وماشيين عالايمان
بس انتو بالزعيم ونحن بلبنان
بس انتو موزعين وطنكن كذاب
عراسكن في ريش وجدي فرناس
زعيمك بيخرى وبيطم
زعيمك بيطب زعيمك بوتوم
زعيمك من صنم أصمَ
زعيمك هو مشهد القتل بسينما صمت
فبتقعد بصدري الشهقة بعيونه بيمتص الشهوة
من جوا القلوب بتنشف رغبتنا لنقوم ونكسّر
العقلية الدونية اللي فينا لزعيم هو وسيط لعدو مستعمر
شقة السلطة وزعيم مستأجر برا المالك ببنوك تستثمر
برهان عخراب البيت على ايد سكان البيت
ويحطوا التوك بالناس تالناس تشك بالناس
والدايرة تسكر عرقابنا تسكر
براسي في شمعة بتضوي على ملّي بيصير متفجر
حذّر
مليان واثق من حرفي مزروع بنخاع وبدون تنقيط متخفي
ما تخافوا
مليان واثق من شعبي كيسوع مولود وبدون سقوف بنكفي
ما تخافوا
مليان واثق من ربي بدموعي بجود فبيوازن تقلي بخفّة ما تخافوا
مليان واثق من فشلي قول مرة ومية ألف
بالأفق شايف نصري وشمس التوحيد بالخلف
مليان واثق مليون مجنون حيهدّوا السور
بالهامش أول قبلة دايما ضد المقبول
بلشت بكشف المحجوب واصل على خلق المطلوب
بلشت بشق الجلمود ما الشك بثائر أسطول
واصل على شط التعمير كمخيم بحراً سنعود
وأصالح شخصي بمحيط بمصيري بنفسي مربوط
شو بيصنع وحدة تاريخ وبيجمع فرقة القلوب
أكتر من صراع طويل مع طغاة واسرا
مليان واثق من حرفي مزروع بنخاع وبدون تنقيط متخفي
ما تخافوا
مليان واثق من شعبي كيسوع مولود وبدون سقوف بنكفي
ما تخافوا
مليان واثق من ربي بدموعي بجود فبيوازن تقلي بخفّة ما تخافوا
مليان واثق من فشلي قول مرة ومية ألف
بالأفق شايف نصري وشمس التوحيد بالخلف
التعليقات