مساحة إعلانية
بصيت ورايا كتير ف بنفض وشي
من رماد الماضي حبيبتي ارجعيلي وغشي
تاني وانا هعدي الكدبة بس عشان ادوق الحكمة
حابب اعيش احساس الصدمة عشان اشوف الصورة كاملة
اديتيني الدروس علمتيني ان الناس مش وحوش
مع اني وريتك الدم اللي سايل من وشي عشان ما وافقتهوش
لحظتها قولتيلي عصبية ودا العادي
خططت اني انتقم ف دماغي
انتقمت من حالي هسيبكوا وامشي اروح للوحوش اللي برا دول
ع الاقل وحوش عارف اصلهم هنتقهم منهم
من غير ما اتضايق من كرهي وسطهم
هتعلم فنهم
في الكره وحب الذات مش هكسب حد انت الكسبان
لو فوقت وشوفت الناس بتقول دا الصح خليك بطران
خلينا ف القفص لجل لو طلعنا نفوتهم جسد
ف ممكن نترفض عشان واقعنا فيلم قديم واتنسي
سيب الجسد سيب روحك تطلع للسما
هتعيش مابينهم ب الأنا يا اما هتموت هنا
كلها اسرار ف بحور نغرق بعدين بنقوم
ناس تانية غير اللي كنا عليهم بس ف يوم
هنشوف كل الصح ساعتها هنكره كل الواقع
يومها هنلعن صدق الصالح عشان مكنش ليه مصالح
قافلها ضبة والمفتاح ف قبري
بشرب علشان افوق هتلاقيني بغني
بزيف الحقايق بعمي نفسي عشان اتعايش
مصدر وجعي اني عارف بس فضولي غالب
مش لاقي حلول دايرة مقفولة ومش واصل لحاجة
الناس بتموت بعد السنين ومن غير الاجابة
وبعلو الصوت هصرخ اننا عايشين جوا غابة
بالهمس هقول مفيش ملوك تاريخنا كتابة
*مولودين علشان نموت مجروحين علشان ظروف
متغربين علشان فلوس ومذلولين علشان قبول*
كلها اسرار ف بحور نغرق بعدين بنقوم
ناس تانية غير اللي كنا عليهم بس ف يوم
هنشوف كل الصح ساعتها هنكره كل الواقع
يومها هنلعن صدق الصالح عشان مكنش ليه مصالح
التعليقات