كلمات اغنية طارق حداد – المارد و الفانوس

دنية عجايب فيها حكم العدل غايب

واللي عشمان فيها خايب

اللي جيبه معبي محبوب

حتى لو نذل وضعيف

واللي جيبه فاضي معيوب

حتى لو شهم و شريف

على فين يا دنيا موّدياني

إيه هتاخديه مني تاني

انتي ليه مستقصداني

ونازله فيا يا دنيا ضرب

كل يوم بجراح جديده

حالتي صعبه وع الحديده

انتي ليه ناشفه وعنيده

زي ما يكون بِنا حرب

نِفسي انا ف دعكة فانوس

بعدها مطرة فلوس

تنزل عليا

يطلع المارد وأقوله

واللي نفسي يجيلي كله

ألاقيه ف ايديا

نفسي انا ف دعكة فانوس

بعدها ألاقي النفوس

حواليا سِلكو

كلُه يتمنالي خير

واللي يحقد أو يغير

يولع بغيرتُه

نفسي عمري يكونله قيمه

نفسي أعيش عيشه كريمه

وأنسى انا عيشتي القديمه

بكفاياني تعب وغُلب

نفسي أنام من غير ما أفكر

ف الديون ولا ف المقدر

نفسي أحب حياتي أكتر

إمتى مش هيكون ده صعب