مساحة إعلانية
انا كلى ثقه ان اللي انا فيه كله بسببي
وان جيت بارادتى لباب قلبك
فا انا جاي بارادتى ارد الباب
كان بينا ايام حلوه كتيره
دلوقتي مأ بيننا وجع وعذاب
وانا اسف
انا اسف جدا على وجعى
اسف مليون مره لنفسي
اسف على دقيقه شوق ضاعت
أنما مش غلطك
صدقيني فيه حاجات مببتحكيش
زي النهارده من سنه ..
كنتى ونس للعمر
ودلوقتي قصفتى العمر
وبدال ما تكونى سبب فرحى
كنتيلى الحزن وشيله الهم
انا اسف والله لانى
كنتلك الدنيا واحلى ايام
ورديتى جميلى وجع والام
وانا مش زعلان والله انا مش زعلان
ليه هقبل اعيش جمبك مهموم
بجبال حزنى
انا حزنى كبير بس في بعدك هقدر اعديه
ولواحدى حياتى جميله اوى
ممتعه .. شيقه .. ليها ملامح
هقدر عالدنيا وهقاوح
وهقاوم لاجل ما اطول بكرا
وارجع احسن مليون مره
انا كل مشاكلى معاكى انتى
ومن بعدك هتمشي الدنيا
فيه حاجات بوجودك كانت اولى
وفيه ناس دلوقتي هى الدنيا
مش زيك واخده قلوبنا مقاوله
كلموها عنى
من بعيد لبعيد
وعرفوها انى
مرتاح من بعدها
وحياتى احسن
وقولولها بضحك وعادى
الدنيا احلوت اوى فى عينه
اكتملت الوانه الناقصه
والورد اتفتح على ايده
وبيبان الحب المشتاقه
قفلها ب١٠٠ رزه وترباس
كملت ايامه بناس شبهه
فا بقت تتعاش
واهى كانت فتره وهتعدى
ونا هقدر والله واعدى
ولا عارف ..
بلاش اكدب
انا منستش
مكانتها فى قلبى دى متهزتش
لسه بحلم بيها دايما
وافتكرها بالحاجات
شاركتها في كل حكاياتى
بيقولوا خرجت من حياتى
لكنى اشك
ضاقت فلما استحكمت
ضاقت زياده
جوايا طرقه مكسره
اطلع كتير فا ارجع ورا
وحياتى لسه مبعتره
"كل اللي كان بينا انتهى"
جمله كئيبه سمعتها وباظت حياتى
اعتقد ان الفراق كان امر حتمي يا حيات
حضن البكا لله يساع فابكوا
كل اللي بكيوا لربنا ضحكوا
فا ياريت تروحوا لعندها وتحكوا
عن عمد سواء او عن غير
ان انا بذكرها بكل الخير
وسيرتها .. زى القشايه
كل ما بغرق فيها اتعلق
انا مطمن وانا وياها
وبرغم وجودها انا متقلق
ترجع وتكون لو حتى اختى
انا اختى دى كنز اما بتزعل
بتطفي النور من جوايا
والله وفي حلفانى انا صادق
انها طول عمرها جوايا
من قبل ما اشوفها انا حبيتها
حبيتها عشان هى الدنيا
وبدون ابداء ايها اسباب
حبيتها عشان لمست روحى
وبدون ابداء اسماء
ضفايرها اتفردت جوايا
زىروبانزل عالجوا جروحى
انا حبيتها .. وبقول انها كل ما ليا
فا احمد ربنا انى لقيتها
رغم فراقها من غير اسباب
ورضيت بالبعد عشان مختل
او بعد البعد بقينا اصحاب
الساعه واقفه من ساعتها
والوقت مبيمشيش
قولولها ترجع فى الحقيقه انا بعدها
لسه مش قادر اعيش
التعليقات