اقرأ كلمات اغنية إسلام الشعراوي - مركبنا بيغرق مكتوبة

Verse (1)

مركبنا بيغرق..و الناس بترقص

الطير بعيد..و الخيل بيرفص

و انا مش سعيد بالوضع دوت

كتير و كتير ..اخترت افوت

قررت اهاجر الصبح بدري

القطر فتني..مع اني بجري

حاولت تاني..حاولت تالت

قام الزناد من ايدي فالت

موت نفسي..قام سقفولي

يومين قبليها بيزعقولي

قطفت ورده..طب ايه الكلام ده

جريمه يمكن..م الانجليزي سرق بلادنا

نحترموا عادي..لو لون البشره لون الزبادي

و انا ف الحلادي بكيت بحرقه..ازاي اخوات و ما بينا فرقه

Chorus

شريط حياتي معروض ببلاش ف سينما بعيده

عايز الحق اول عرض و اكتب القصيده

اقول اللي حسه من خلال حروف

تعدي عليها عينك فترجع تاني تشوف

حكمة الحياه من قلب المعاناه

لازم نقول الاه ...فنفهم الجمال

Verse (2)

سرقوا عينه و طلبو فديه

..قام يدعي ربه ع السوشيال ميديا

لايكين تلاته قام وصلو ميه

..اتحقق حلمه كسب عربيه

جيوبوا فاضيه طلب بقشيش

نصيبوا يومها طلع مفيش

اصفر وشه بلون الشمس...شاف الجريمه علي شاشه لمس

غريق ف بحر و الدنيا فاضيه..و الناس بتسمع موسيقي هاديه

لاجئين كتير علي الحدود..تجاعيد بتجري علي الخدود

تسقيف لسياسي عشان كلام و الامريكاني اخد نشان

مستني دوري ف الإعدام..و الجريمه اني اسمي لسه عربي