مساحة إعلانية
920x160
تواصل معنا
لا مرّ زولك يا خلي
أقوم ارحب و اهلي
وش عاد لو تبتسم لي
سعادتي بوجهي تبين
قلبي محدّد طريقه
صُوبك ما شيءٍ يعيقه
فضّلك بدّ الخليقه
مسكنك في محجر العين
ب مواصلك يا غناتي
أرجع الملم شتاتي
يا اقرب قريبٍ لـ ذاتي
متى الوصل بيننا يحين
حكيك يسمّى ترانيم
زينك تعدّى التقاييم
وش يمنع إني بك أهيم
فديت أنا وجهك الزين
هيه هيه مجمل نظراتك
هيه هيه محلا بسماتك
هيه هيه من طيبة ذاتك
هيه هيه كلك فتان
لا لا ما ابدلك والله
حبك باقي بمحله
لا لا تحرمني هالطله
يا شبه القمر لا بان
..
ياللي لفت انتباهي
وش ذا الحسن والتباهي
مالك شريك و مضاهي
اخلفت كل الموازين
أبهرت كل الخلايق
ما ألومهم شي فايق
حتى الدلع منك لايق
يحفظك ربي من العين
قلبي لغيرك تنكّر
في حُب غيرك ما فكّر
ولاّك عرشه و سكّر
دمّر طموحات هاقين
هات يدك في يديني
ولا يهمك عاذليني
عمري معاك و سنيني
دنياي ب وجودك تزين
التعليقات