مساحة إعلانية
طب كده ماشي .. وكده ماشي
والحياة موج تحت وفوق
عشان تعلى .. هتعوم تاني
ايه اللي وراك .. غير انت يا ذوق
ياعم فوق .. عايزك تروق
الوقت مش .. بحساب ساعات
كام مرة مت .. وقمت فقت
وقعت قمت وقالوا مات
القوة فيك .. والكون مخلوق علشان معاليك
فبلاش تلاكيك
هتشوف بعنيك .. للماضي جراح هتعدي عليك
حلمك يناديك
طب كده ماشي وكده ماشي
والأمل موجود على طول
هاته بقلبك هنا جنبك
ده اللي يصبر ياما ينول
ياعم فوت هتلاقي حوت
كان جوة منه بشر وكان
كان ليه ممر .. وجاله أمر
وصل لبر مكان أمان
القوة فيك .. والكون مخلوق علشان معاليك
فبلاش تلاكيك
هتشوف بعنيك .. للماضي جراح هتعدي عليك
حلمك يناديك
طب كده ماشي وكده ماشي
وافرد جناحك ع البراح
حزنك داريه جرحك داويه
إيه راح يفيد حزن ونواح
شكوى وأنين هتقول لمين
ياعم عيش وانسى اللي راح
خليك عنيد مولود جديد
ليلك يموت يطلع صبـاح
القوة فيك .. والكون مخلوق علشان معاليك
فبلاش تلاكيك
هتشوف بعنيك .. للماضي جراح هتعدي عليك
حلمك يناديك
التعليقات