مساحة إعلانية
الشوارع حواديت
حوداية الحب فيها
وحوداية عفاريت
إسمعي يا حلوة لما أضحكك
الشارع دا كنا ساكنين فيه زمان
كل يوم يضيق زيادة عن ما كان
أصبح الآن بعد ما كبرنا عليه
زي بطن الأم ما لناش فيه مكان
الشوارع حواديت
حوداية الحب فيها
وحوداية عفاريت
إسمعي يا حلوة لما أضحكك
الشارع دا رحنا فيه المدرسة
اللي باقي منه باقي
واللي مش باقي إتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت
الشوارع حواديت
حوداية الحب فيها
وحوداية عفاريت
إسمعي يا حلوة لما أضحكك
الشارع دا أوله بساتين
وآخره حيطة سد
ليا فيه قصة غرام
ما حكيتش عنها لأي حد
من طرف واحد
وكنت سعيد قوي
بس حراس الشوارع
حطوا للحدودتة حد
الشوارع حواديت
حوداية الحب فيها
وحوداية عفاريت
إسمعي يا حلوة لما أضحكك
الشارع دا شفتك إنتي ماشية فيه
لابسة چيب وبلوزة وردي
وعاملة ديل حصان وجيه
إتجاهك إتجاهي، مشينا ليه؟
والشارع دا زحام وتيه
بس لازم نستميت
الشوارع حواديت
حوداية الحب فيها
وحوداية عفاريت
وإضحكي يا حلوة لما أسمعك
التعليقات