مساحة إعلانية
ما بقيتش بتمنى من الدنيا
غير حلم بسيط
غرفة انعاش ودكتور يقول
فقدنا المريض يا رب
نبض قلبي فاضلو دقه
نفسي خط الموت يصفر
طول حياتي شايف مشقه
عشت بين مخاليق تكفر
اكتأبت وجاتلي خنقه
ليل نهار عمال بعفّر
مش عايز رناتكو لأ
واللي عندوا رصيد يوفّر
بالسلامة سيبوني وامشوا
وكفايكو كلام يجرح
كنت وياكو وصافيلكو
وانتو كارهين اني أفرح
مش عايزكو تقولو حاجة
انتهى بنا العتاب
يلا برّه مع السلامة
وابقوا شدو وراكو الباب
حاسس بخوف من قوربكو
حاسس بضيقه في بعدكو
أنا خدت إيه من حبكو
غير كل شر وكل سوء
قلبي النظيف بقا متحول
مبقاش نضيف زي الأول
جرحي اللي عشش ومطول
خلاني من البشر مقفول
فضو مليون خزنه فيا
ما تسيبوش أعضاء في جسمي
ما اللي مني مضحي بيا
وفي عداواتو معدي خصمي
طول حياتي بشوف أذيه
من بشر شايلين في اسمي
أهلي مين دا انتو مرازيه
من بطاقتي لاغيتكو رسمي
قسوة القلب اللي فيكي
بطليها وحسي بيا
مش عشان خايف عليكي
تيجي بغرورك عليا
شفت أنانية في عنيكي
مش مصدق شكلي بحلم
النهارده أنا بين ايديكي
بكره فين الله اعلم
أنا وسط ناس كفار
شايف بعيني مرار
حواليا ميت غدار
والكل صبح عديم
غل وحقد وصفار
بيبان في وقت هزار
في عيونكو شايف النار
ولسانكو مش سليم
والله أكتر حاجة وحشاني
في الدنيا دي كلها حضن ابويا
أنا محتاج لك أوي يابا
يابا خدني جوّه حضنك
نفسي أحكي كلام كتير
نفسي يابا بجد أقولك
عاللي شوفتو من السنين
انتَ سندي وانتَ ضهري
في الجراح وفي الأنين
يابا برَّه الدنيا صعبة
والبشر فيها غدارين
أقرب الناس ظالمة فيا
شفت ياما أذية منهم
مين معايا ومين عليا
مخي محتار مش فاهمهم
ليل نهار جايين عليا
من اللي شوفته بقيت كارههم
دولا بيبكّو في عنيا
مش عايز افضل ما بينهم
التعليقات