مساحة إعلانية
920x160
تواصل معنا
لما قالتلي صباح الخير
اتلخبط ماشفتش غير
المصيده قفلت ع الطير
ايه مالك ماعرفتش ارد
بس عرقت ف عز البرد
طرحت بينا جناين ورد
ضحكت ف نسيت التكشير
لما قالتلي صباح الخير
مشيت و انا كان نفسي ابوح
و اشرحلها شيء مش مشروح
نص كسوفي حلاوه روح
والنص مغرقني ف بير
لما قالتلي صباح الخير
اه يا سلام لام لام يا سلام
صاحي كاني ف عز منام
بامشي لورا و ارجع قدام
الهوي مش محتاج تفسير
لما قالتلي صباح الخير
اتلخبط ماشفتش غير
المصيده قفلت ع الطير
التعليقات