كلمات اغنية دنيا سمير غانم – الوقت بيسرقنا

بنعيش والوقت بيسرقنا

وبنمشي ونسرح في طريقنا

والأيام اللي بتجمعنا

ممكن في ثواني تفرقنا

ساعات الدنيا بتلهينا

عن أغلى وأقرب ناس لينا

وفي يوم عمرنا ما بنتمناه

نلاقيهم ما بقوش حوالينا

ما بنحسش بقيمة الحاجة إلا لما تروح

وكان في صوت بيصرخ فينا واحنا ما بنسمعش

ونندم ع اللي ضاعوا وراحوا وقلبنا مجروح

يا ريت الوقت يرجع بينا بس ما بيرجعش

زمان كانوا هنا بينا وحوالينا واللقا مسموح

ودلوقتي ومهما بكينا اللقا ما ينفعش

قرب من كل اللي حاببهم

شيل عنهم خوفهم وتعبهم

يمكن يسيبوك هما الأول

أو يمكن إنت اللي تسيبهم

على قد ما تقدر فرحهم

بصلهم واحفظ ملامحهم

هيجي لك يوم فيه تتمنى

لو حتى في نومك تلمحهم