مساحة إعلانية
ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحص وشوفه دمي لو دمك .؟
عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتكولي شيعلمك
من كد ما احبك خفت لا تنشاف
وخليت الكلب وسط الكلب ضمك
ياماي وتبده ونشف ويه الروح
هذا انته حبيبي وكلي شيلمك
تخجل منك الريشة ويضيع اللون
اذا رسام مره يحاول يرسمك
يسمونك هوه صدكني غلطانين
لان انته الهوى يحتاجك .. يحتاجك يشمك
كبلك جنت احب وجني ماحبيت
لان شفت الكلب مثل الطفل يمك
ما احرك رموشي كبالي من تصير
اخاف بلحظة اندم ماشفت رسمك
افرشلك عيوني ويه جفني تنام
واكولك اخفه بيه وكولشي لايهمك
دخذ مني جرح وأذكرني بيه ارجوك
يظل ينزف عطر لو فكر يلجمك
يا أول عنودي اعناده أموتن بيه
فاهم كولشي بيه وكلي ما افهمك
لو غيرك حنين وياي ما اهواه
ولو تظلمني اكولك قابل بظلمك
ضواك يشع براءه يغطي كل الكون
الشمس تبدي بجبينك تنتهي بجدمك
الله منزلك مفصلك علي تفصال
وعلى قفل الكلب مفتاح ومرهمك
ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحصه وشوفه دمي لو دمك .؟
عليه اتعودت وبدوني راح تموت
لحد الموت من حبي ولا افطمك
اني العلمك تتهجم على الحب
غيري اللي يجي ماتكولي شيعلمك
التعليقات