مساحة إعلانية
920x160
تواصل معنا
يا سمرا ليه بتصدي وتجافي؟
وفي عز ضعفي عليا تتعافي؟
مديت إيديا وقلبي وعيوني
بس انتي ترضي يا سمرا تتلافي
أنا مهما أصوم مابتبعتيش عيدك
شايفاني في الموج مامدتيش إيدك
بخلانة ليه عليا عناقيدك؟
وأنا اللي زارعك كفي وكتافي
فارد شراعي وغازله من شالِك
نسيتي ليه في الشدة مين شالِك؟
عيوني كانت ورد رَشَة لِك
هدّيتي ليه حيلي ومجدافي؟
يا موقّفاني في صف خياناتك
ومصدّراني في كل أنّاتك
فاتحة لي نارك.. قافلة جناتك
ومدوّقاني الشهد خطّافي
التعليقات