كلمات اغنية سام محمد – شهر البركة

شهر الصيام .. شهر البركه

تفاصيله بتحلي الدنيا

تلقي الشوارع فيها حركه

دي ماتلقهاش في شهور تانيه

فوانيس .. ومتعلقه زينه

اطفال .. بتلعب حوالينا

وكنافه وياميش وقطايف

ومسحراتي يصحينا

-----------

وعم رمضان ع السفره

بيلم عيلته مع جيرانه

يتجمعوا قبل المغرب

مستنيين ييجي آدانه

ولما يفطروا بيحلوا

و يغنوا سوا : حلو ياحلو

تراويح مع بعض يصلوا

ويدعو لله سبحانه

---------

شهر الصيام هل وجانا

بروحانيات وحشانا

توبه ومصاحف ومفتوحه

وملايكه بتعد ورانا

الناس تصالح وتراضي

والخير بيملي الدنيادي

مفيش كمان مسجد فاضي

كل المساجد عمرانه


التعليقات


اغاني مشابهة