مساحة إعلانية

كلمات اغنية نزار القرماني – قبل ما يفوت الفوت

كلمات اغنية نزار القرماني – قبل ما يفوت الفوت مكتوبة

حلينا عينينا على الفطرة و على التوحيد

عاهدنا ربي العالي ما نكونوا لغيرو عبيد

لاكن لإلنسان يطغى و ينسى انو مملوك

ينسى إنّو من نطفة خلقها ملك الملوك

**************************

يا إبن آدم تتكبّر فهّمني و قلّي على شكون؟

عالّلي خلق الدنيا و أمرو ما بعد الكاف و النون

عالّلي بأمرو سبحانو ينفخ إسرافيل في الصور

و بنفخة أخرى يقومو النّاس اللّي في القبور

**************************

جاوبني شنيّة حالي و حالك يوم القيامة؟

هازّين معانا ذنوب ما يعلمها كان مولانا

تتفكّر معاصيك و كتابك ما بين يديك

ذليــل قدّام المولى و يشهد لسـانك عليك

**************************

وينوا الصاحب اللّي ما تلقاه كان وقت الذنوب؟

اللّي ما يريد لك الخير اللّــي ما يتمنى تتوب

وين القوّة اللّي فيك و إنت تصيح على والديك؟

و بصوت عالي تكفر في ربّي اللّى ينعم عليك

يا إبن آدم اتفكّر الدنيا عمرها ما تدوم

أسمع منّي و إتغيّر و حاسب نفسك اليوم

وقتاش تفيق مالغفلة و تتفكّر ملك الموت؟

ترجع لربّي العالي و تسجدلو قبل ما يفوت الفوت

**************************

تصلّي صلاواتك اللّي فرضهم الرّحمان عليك

و تجي للجامع و تصلّي قبل ما يصلّيو عليك

خويا فيق على روحك راهي الدّنيا فانية

و النّفس اللّي خلقها المولى تخرج في ثانية

**************************

كيما الّي نسات العفّة و الحكمة اللّي في الحجاب

النّور اللّي فرضو عليها ربّي العالي في الكتاب

أختي ما تتبّعش الشيطان و تكون فتنة للنّاس

في دين الله مكانك والله أغلى مالماس

**************************

ما يلعب بيك إبليس و أتباع الشياطين

اللّي عبّاوا قلوب النّاس بحبّ الفنّانين

تبّعت طريق اللّي ما يرضي ربّ العالمين

و نسيت طريق الجنّة و أمّهات المؤمنين


التعليقات


اغاني مشابهة