مساحة إعلانية
أنا البنت اللي قصتها ممنوعة
ممنوعة من العرض
أنا البنت اللي صرختها مقموعة
ما تدقّوا بالعرض
جسدَك بيعيش بالطول وبالعرض
بيستبيح جسدي بالإكراه وبالفرض
عرضي منّو جسدي
جسدي منّو شرفك، بشرفك
عايشة بمجتمع سيادة الشَنَب
أرجوك احترم عقلي، حط جسدي ع جنب
عرضي مش منشور موزّع بمنشور
لمّا بدّك، توصمو بالعار وبالفجور
عرضي منّو جسدي
جسدي منّو شرفك، بشرفك!
عرضي نقطة دم ناطرينا بالدُخلة
بهالنقطة بيصير الكل إلو دخلة
يا أما بترشّوني بمسك الطهارة
يا أما بترشّوني برصاص وبحجارة
عرضي منّو جسدي
جسدي منّو شرفك، بشرفك
أنا الزوجة أنا الإخت
أنا الإم أنا البنت
عرضي منّو جسدي
جسدي منّو شرفك، بشرفك
أنا البنت المغتصب جسدها وحقوقا
أنا الناجية اللي قاعدين تعاقبوها
عرضي منّو جسدي
جسدي منّو شرفك، بشرفك
أنا الأبسط حقوقها رافضين تشرعوَا
كل صرخات الشوارع ما بتِسْمَعُوَا
جايي اليوم سمّع صوتي وهبّط الحيطان
جايي أنا قود الثورة اشهدي يا جدران
عرضي منّو جسدي
جسدي منّو شرفك، بشرفك
التعليقات