مساحة إعلانية
دنيا غم جالي اكتئاب
الجسم عجز الشعر شاب
الغدر بنا حاجه سهله
والغدر بيجي مالاحباب
ام قاسيه وقلبها مات
ومخلفه اتنين اخوات
ابوهم راح وفاتهم ليها
مسبش غير الزكريات
البنت سليمه والواد مشلول
حكمه ربك واي هنقول
بس الواد حنين وراجل والاصل عشانه ده معمول
والام تعامل البت عادي
والواد تشوفه تقلب بوزها
وتقله غور يلا الساعه دي
وابوهم مات وسايب وصيه
عارف الدنيا سوده وقويه
بعد سنه من موتى شوفوها
وتفتحوها تاخودو الي لياا
تفوت ايام والام قاسيه
للدين ورب الكون دى ناسيه
تعامل الواد وتزل في
وعلي كرامته بالرجل دايسه
واخته كبرت جالها عريس
واخوها فرحان جاي بيهيص
قالو ازيك انا ابقى اخوها
ارجوك عليها خليك حريص
اخته قالت طيب غور
عيل ديما غلبان مسطول
احنا بس بنعطف عليه
يعدى يوم فتحو الوصيه
واخوها قال دا الورث ليا
والام عقرب كده مسموم
وبالفلوس خلاص معميه
جابت ابنها قوام حبسته
كتبت عقد وبصمته
وخدت منه كل الورث
بعدها فى الشارع رمتو
والواد لف سنين وغاب
راح مستشفي وخد علاج
قال انا لازم اعالج ايدي
دنا بسببها جالي اكتيئاب
خف الواد وصلب عوده
شقي وتعب وحط حدوده
واشتغل مع ناس تقيله
والقرش لعب قوام فجيوبو
وامو الزمن اهو لف بيها
واخته جوزها خلاص راميها
مدنيا كاس بيلف داير
ترجع حقوقك لو ناسيها
الواد صبح صاحب عقار
وبيلاعب ده ناس كبار
وفي سوق القرش بقا معروف
انو من اتقل تجار
راح ودور رجع لي اهلو
وهما شافو وفجاءه أتصدمو
انت ازاي وامتا وفين
قالت رماك قلبي ومن جهلو
قالت امو 200 تبرير
عن المبادئي عن الضمير
بس الواد اتغير خالص
ومسح خاصيه التقدير
ف الشارع ماشى لقا امو نايمه
واخته بعلبه مناديل قايمه
حقه جالو لاكن من فوق
رحمة ربك دى بنا عايمه
قالها عادي قصر الكلام
بقيت سايق مسكت لجام
انتى زمان رمتيني في الشارع
وانا الي سوقت بقيت قدام
اتحرمت من ابويا بدري
كان نفسي يوم عليكي واجري
بس حضنك ده كان حجاره
ربتيني ودفعت اجري
هرجعك انا تاني لبيتك
عارفه لي علشان حبيتك
وكان نفسي انتو تحبوني
نستيني يامه ولا عمري نسيتك
التعليقات