كلمات اغنية أحلام – يستاهل جرح

يستاهل الجرح من يجرح محبينه

واللي جرح صاحبه يستاهل الجرح

غرست بك ورد وانت اغرزت سكينه

الله يا هالزمن صار الغلط صح

اللي وفالك لزوم ترد له دينه

لاتنكر حقوق خل متعبه الشرح

ومنهو يجي منتمي لك خذه بيدينه

طر به لصدرك وضمه الشوق يفضح

أٓحفظ عهودك وصنت الحب من حينه

اكرمتك بغيبتك وشيدت لك صرح

بنيت لك من غلاتك بستان و جنينه

رويتها بدمع عيني من بعد يذبح

اهديتك رويحتي واهديتني بينه

عودلي ضحكة شفاي إن كنت تسمح

من حب مثلك اناني الله يعينه

لاشفت منك الهنا ولا شفت انا فرح