كلمات اغنية أحمد العتباني – ألف قصة

لما تبدأ في القراية ... هتلاقيك بتعيش حكاية

فيها ناس شبهك وعكسك ...مش بعيدة تلاقي نفسك

في الكتاب زي المراية

والحروف تبدأ تشدك ... ولبلاد الدنيا تاخدك

من مكانك زي مانت... راح تلف في كل حته

والخيال مالهوش نهاية

إقرأ وافهم كل حرف...واعرف اللي ما تعرفوش

مهما قابلك أي ظرف ... شيل كتابك ماتسيبوش

هتلاقيه أحسن صديق ...يوفي ويهون طريق

عملة نادرة ماتهملوش

يالا زود معلوماتك ...و اكتشف كل اللي فاتك ...واللي تاه بين السطور ...أي ضلمة هتبقى نور ...في الكتاب هتشوف حياتك

كمل الخانة اللي ناقصة...ميت رواية وألف قصة...مكتوبين أصلا عليك...متشافين صح بعينيك...اعتبرها مذكراتك