مساحة إعلانية
الملك للمالك، وإسلك يا اللي مش سالك
يا دنيا إيه مالك، قلبتي أحوالك
أصل الصحاب أندال خلوني أمشي شمال
مع إني ابن حلال وفي سكتي أهوال
يا دنيا يا لذين، عمالة ترازينا
حتى اللي بنحبه كان غرضه يأذينا
صاحب يخون صاحبه وأخ باع دمه
بقى همه يبيع أهله ده صاحب مصلحته
الملك للمالك، إسلك إنت مش سالك
الملك للمالك، طريق الصحاب هالك
كل الصحاب أندال، خذوني في سكة شمال
مشيت طريق ظلمة، طريق حرام بطال
قالوا لي في خطة، مش عاوزة ولا غلطة
في سكة مضمونة، نطلع على سرقة
شيطاني غواني، بالشر وملاني
خذني ورماني، بقيت واحد ثاني
بدأنا في التنفيذ، طريق حرام ولذيذ
أول عملية عدت وكمان جاري التجهيز
عملية ورا عملية جريت فلوس في إيديّ
ده رزقي كله حرام، والعين يا بويا معمية
بدأ الضمير يتغير والعقل بقى متحير
قالوا لي آخر فرصة، والعمر أ صاحبي قصير
الزن ع الودان أقوى من الأسحار
عملوا لي غسيل مخ، من غير سبق إنذار
وطلعنا ع الفيلا، وفي واحد جلا
أتاريه يا عمي كمين، روحنا في شربة مية
حديد بقى وكلبوش، إمسك حلق حوش
صحابي سلموني، من إيدي لعفركوش
حطونا في الكماشة عملوا معانا الجلاشة
فيش بقى وتشبيه وعرض جوة الشاشة
الشعر حلقته ميري الظلم هو سريري
بقيت جوة الزنزانة مخي بقى زميلي
ياما في السجون مظاليم، محبوس عشان ملاليم
غدر الصحاب وداني تخشيبة سين وجيم
مكتوم يا عمنا صوتي إمتى يا أيام تفوتي
حكم النفوس ظالم، محكوم عليّ بموتي
هنا الغلبان يموت، ياخذ ميتين شلوط
عد عشان تعدي، مفيش صاحب مظبوط
أيام ما يعلم بيها، يا ربي فك الضيقة
قلوبنا تدق الخوف، الخوف ع العين عميها
ملعون أبو التخشيبة، الرحمة عليك يا طيبة
وشوش الناس بتحكي، وبشوف حاجات غريبة
الدنيا في عيني سودة، الحزن جاي ع الموضة
حكموا عليّ بسنتين، أربع حيطان وأوضة
منهم لله الصحاب، فجأة كله غاب
وأنا اللي شلت الشيلة، من الفرحة واخذ غياب
أيام السجن كحلي، واخذ فيها رحلة
من غير صحاب أحسن لي، وأكيد دي بكرة تحلى
عايشين ومش سالكين، في المصلحة بتمشي
في الفرح يجي ملايين، في الجرح مين يمشي
يا رجولة على بالي، والله ما نسيتك
عاوزين صحاب من الصين، تنصح وما تخونشي
زعلان آه من حالي، وع اللي أنا بقوله
واقف أنا لوحدي، والله وبطولي
الملك للمالك، إسلك يا اللي مش سالك
يا دنيا إيه مالك، قلبتي أحوالك
أصل الصحاب أندال خلوني أمشي شمال
مع إني ابن حلال وفي سكتي أهوال
يا دنيا يا لذين، عمالة ترازينا
حتى اللي بنحبه كان غرضه يأذينا
صاحب يخون صاحبه وأخ باع دمه
بقى همه يبيع أهله ده صاحب مصلحته
أحمد شيكو يا سادة شاعر الغلابة يا فندي
موقع الرعب الأول الجنرال أحمد المهدي
الفخامة ليها ناسها في المطرية أساسها
مهند صار الباشا كريم النوجي أساسه
رتيب كلام بشاواتي إعزف لي عود وبياتي
مهند زعل ترجيتي واستنوا النص الآتي
صحابي غاليين عليّ، صحابي غاليين عليّ
هقول اِسمهم في الأغنية، هقول اِسمهم في الأغنية
إسلام يا كريزي، عمار يا فنار، أحمد الذباح
بنقول يا هيما يا أسطورة، بنقول يا هيما يا أسطورة
أنا قولت المساء ع الجدعان، أنا قولت المساء ع الجدعان
واللي ما سمعش اِسمه شايفه عيل جبان، شايفه عيل جبان
التعليقات