مساحة إعلانية
بنحكي كتير و بنتكلم
بنحكي كتير و بنتعلم
بنحكي كتير و بنتألم
بنحكي كتير و لسا هنكمل
بنحكي نقول حاجات غريبة و كمان مريبة
بنحكي عن كل ناصية واقف فيها شباب ضريبة
بنحكي عن غلط مزك في طريقة تقديم النصيحة
بنحكي و عايزك تعيد حساباتك في التربية المفيدة
بنحكي حكايتنا احنا الجيل اللي ضاع
شاب في اول عمره جاب من كل قاع قاع
ملقيش نفسه غير و هو بيسمع الايقاع
و انتم مش عايزين تسمعو غير امرك مطاع
احنا شربنا من البحر و خدناها عوم في النهر
احنا اكتر جيل حس و شاف القهر
احنا اللي اتقهرنا احنا اللي بكينا
احنا اللي اتكسرنا احنا اللي شكينا
احنا اللي اشتغلنا علشان منمدش ايدينا
احنا اللي الاهتمام خلانا للغلط اترمينا
بنحكي نقول ليه كل حاجه ماشية عكسك
بنحكي نقول ان انت ماشي غلط بس مش ذنبك لوحدك
بنحكي نقول عن كل شاب بيحكي ليك شاب حسك
بنحكي نقول عن ازمة جيل انت مش فاهمه ولا هو فاهمك
بكلمك عن ازمة مجتمع مش ازمة بيئة
بسال نفسي مليون مرة ازاي البنت بقت جريئة
و ارد عليها ما هي سمعت كتير الفاظ غريبة
اتربت في شوارع العادي انك تغلط فيها
طول ما بتربي ابنك علي الخوف مش هتشوف نتيجة
و من وراك هينحرف صدقني دي الحقيقة
احنا جيل حديث العصر احنا الجيل اللي طموحه القصر
انا شاب تسعيناتي بيعشق تراب مصر
صاحبي انا واقف جنبك بس اغلب اختيارتنا غلط
ما هو انا مسئول عن نفسي طالع مني الطلب
انا و انت الشيطان بيغلبنا و بيبعدنا عن الصلي
بنحاول لا ننحرف ولا نتشدد بنمسك الوسط
حاسب نفسك قبل ما ييجي يوم و يحاسبك غيرك
ياريت لو معاك غرق الفقرا بكل خيرك
سيبك من اي حد حدد خط سيرك
خليك جاهز للحظة هتشوف ربنا بعينك
احنا اكتر جيل شاف انواع للمخدرات
احنا متاح لينا نشرب اي نوع مسكرات
احنا جيل تشوفه تقول توتو بتاع مكسرات
بس احنا جيل ساكت و جواه كتير اهات
بنحكي نقول ليه كل حاجه ماشية عكسك
بنحكي نقول ان انت ماشي غلط بس مش ذنبك لوحدك
بنحيك نقول عن كل شاب بيحكي ليك شاب حسك
بنحكي نقول عن ازمة جيل انت مش فاهمه ولا هو فاهمك
التعليقات