مساحة إعلانية
خد يا واد حلة المحشي دي ووصلها لخالتك لمين فيهم .. ميار ؟خالتك ميرفت يا واد مش مياار ميرفت ..ااه
نزلت الصبح اوصل حلة محشى لخالتى ورق عنب وفلفل رومي وكرومب ويوسفندى اول ما نزلت الشارع فوقت وفوقت م الزحمة من كل واحد و واحد واحد ويارب الرحمه ياترى الزحمة دي ليه .. في حد وزع لحمة ؟بصيت في ساعتي لقيتها اتنين يامنجى م الكوارس ساعة مرواح موظفين خروج كل المدارس زحمة وما فيش رحمة وكله ع الكلاكس دايس اصوات معجونة في بعض واعلاها صفارة السايس هات ورا يا كابتــــــن لازم الاقي تخريمة طريق قصير مختصر اصلي متعسف تعسيفة نفسي اوصل وف لمح البصر اول طريق الطلبية وحلمى الى المنيل اصل قبل ما المحشى يبوظ فى الحلة ويومى كله يروح هدر قطع حبل افكاري تكتك عرض تعريضة خطر جيت اركب فيه قالى استنى دا انا جاى اتغدى اضرب حجر قلبي انفطر دا انا عندى اموت احسن مني افضل منتظر وصلنى وكل ربع الحلة وريتهاله قام منبهر ركبنى وضرب الربع وخد اجره وترشي وفلفل جزر طول الطريق ياكل غرزة فى صباع محشي في غرزة انكسر يجي 100 مراية عربية ويشتم بدل ما يتعزر نهار اسود .. مرئة المحشى فى حجري .. نزلنى ياسطى يابرنس ما كنتش بجري .. الله... بيتك لبيت برود حالة محشي حالة محشي لخالتى خالتك ميرفت ميرفت مش ميار ... مش عاجبك انزل اركب تاكس .. ونزلت ع النصيه نطيت في مكروباص للجيزه مكتوب عليه يا برنس الليالي ومزيكتوا لذيذه .. سواق وسيس وحاطت في خرم ودنوا بريزه .. ومطول ظفره الاخراني قذاره بالغريزه .. ركبت جمبوا قالي ايه الي في حجرك ده يا كابتن .. قولتلوا محشي قالي تجيب صوباع ولا هتنتن .. رفع نظارت الشمس عينوا حمرا وشكلوا مبرشم .. دب ايديه في الحله وهوا بيغني ويدندن .. بيقلب المحشي بإديه ويفعص فيه ويشمشم .. قالي مش واكل ده مجلد ساقع لازم يتسخن ..هات يا ابني يا ولدي يستفندي اديتوا راح متفنن .. ياكول ويطرطش غرقني بقيت قاعد متعكنن .. مهما يتف البذر بعيد يخبط فيا كانوا منشن .. ووصلنا الموقف جيت انزل قالي خد خد هتصهين .. هات الاجره يا اما هفتح مطوه عليك واتجنن .. انت قد الكلام ده يا اسطي .. اه قدوا .. ولا تعرف تعمل معايا حاجه .. شفايفي اتشققت من الوقفه في الشمس بستني .. اتوبيس المنيل حلمي وده طموحي وبتمني .. اول ما شفته فرحت فرحت واحد داخل جنه .. قرب شويه اكتشفت ان استحاله اتهني .. من الزحمه الناس بظه من الباب بظه في علبه سردين .. ارحمنا برحمتك يا مثبت العقل والدين .. نطيت جواه من كتر الزق لزقت في ظهر وليه .. ضخمه وتخينه ولفت بصت بصه مفتريه وبعلو صوتها الحقوني شاب اتحرش بيا .. كل الناس مسكت في خنائي تقولش وقعت في اعدائي .. لو كنت في قسم كانوا ادوني فرصه قولت اقوالي .. وفي وسط الظيطه لقيت الكمسري قام ضرب الباقي .. هربان من باقي 100 جنيه ادتهالوا اتشلت اعضائي
.. اتحول شاب اتشقلب من باب الاتوبيس بالباقي .. فجاه ملقتش الحله صرخن وقلت اين اشيائي .. لمحت واحد نازل فيها حش ويعزم ع الباقي .. كرهت من قلبي البشر ده فعلا كائن غوغائي .. يا رتني كنت اي كائن تاني بري او مائي .. فجاه اتشنجت وهنجت التهنيج الضار الكميائي .. نازل اوصل حله محشي لخالتي خالتك ميرفت ميرفت مش ميار ..في حد ياابني ينزل ساعه الظهريه .. يا رتني موصل جمبري استكوزه او كفيار .. قلعت ملط واقف بلبوص جمب الرصيف .. بنظم المرور تحت اشاعه شمس الصيف .. بعوي وكاكي ساعات بجري ونونو .. و انقر الناس في الشارع زي طير السنونو .. زي السنونو .. زي السنونو .. اه اه يا سنونو ..
التعليقات