مساحة إعلانية
يااا
أمي
حنان مالوش حدود، أعظم إنسانة في الوجود
ماما
مهما هحكي اللي في قلبي واللي نفسي أقوله ليكي
مش هيطلع حتى نقطة في بحر إحساسي بيكي
كان حلمك تبقي سعيدة مع زوج حنون عليكي
تبنوا حياة جديدة وولادك حواليكي
ويا دوب حققتي حلمك، جه وهد البيت عليكي
فجأة راح سابك وحيدة، ساب ولادك حتى ليكي
سابك محتارة وحزينة والولاد ماسكين إيديكي
وبقى عندك إختيار، بيت جديد وفرصة تانية
أو تعيشي عمرك وحيدة مع ولادك الصغار
مسؤولية صعبة جدًا، كنتي قد الإختبار
قلتي هختار ولادي ولو هربيهم في نار
من النهاردة دول حياتي مش هسيبهم مهما صار
اللي قالك ليه تضحي واللي قالك دا إنتحار
واللي قالت بكرة تيجي تندبي سوء الإختيار
الولاد دول كانوا إحنا، أنا وإخواتي الكبار
قدرتي تعدي بينا وتربينا ودا إنتصار
وجاي أقولك بإبتسامة من قلبي شكرًا يا ماما
شكرًا يا ماما
(يا أمي)
دعوة حلوة منك وإيديكي في السما
يسمع ربي منك وينورلي أنا
(شكرًا يا ماما)
دعوة حلوة منك وإيديكي في السما
يسمع ربي منك وينورلي أنا
كان يمر أوقات كتير الظروف كانت واقفة ضدك
كنتي بتخبي علينا وتدخلي تبكي لوحدك
وأما يدخل حد فينا، بتضحكي وتداري دمعك
بس كنت ببقى عارف، مرة بالصدفة سمعتك
وقتها أنا رحت حالف باللي خلقك وبغلاوتك
إن ما هتغفل عيوني إلا لو فرحت قلبك
وييجي اليوم اللي تكوني فيه فخورة إن أنا إبنك
لما بشوفك وإنتي قاعدة، بفضل أراقبك من سكات
وألقى نفسي بقول لنفسي بحب فيكي كتير حاجات
لما بتحكي يوم ولادتي، يوم ما خدتيني في إيديكي
رحتي حضناني بمحبة، كل تعبك راح عليكي
قمتي بصالي في عينيا، قمتي يومها سألتي نفسك
إنت إيه وهتبقى مين، يا رب يطهرلي قلبك
كنت بهرب من إيديكي وياما بتدلع عليكي
ولما أحس بخوف وغربة، بجري وأستخبى فيكي
ولو في يوم حسيت تعب، جوة حضنك تحتويني
وبصوت حنون ودافي تدعي الرحمن يشفيني
ولما بنكسر أو أفشل والأمل بيبقى فاني
بتقوليلي قوم وكمل، قوم وحاول مرة تاني
طول ما فيك الروح يا إبني، قوم وحقق الأماني
ثق في ربك، ثق في نفسك، قوم عشانك، قوم عشاني
بسببك إنتي بقيت بَقًدّر، طبعًا دا إنتى ست قيمة
لإني طول ما أنا كنت بكبر شايفك إنتي إزاى عظيمة
دا أنا مهما كبرت هاجي وأوطي على رجلك وأبوسها
دا إنتي أمي وإنتي عمري وكل حاجة حلوة حاسسها
من كل قلبي شكرًا يا ماما
(يا أمي)
دعوة حلوة منك وإيديكي في السما
يسمع ربي منك وينورلي أنا
(شكرًا يا ماما)
دعوة حلوة منك وإيديكي في السما
يسمع ربي منك وينورلي أنا
دعوة حلوة منك وإيديكي في السما
يسمع ربي منك وينورلي أنا
دعوة حلوة منك وإيديكي في السما
يسمع ربي منك وينورلي أنا
التعليقات