مساحة إعلانية
مابيه انا وقلبي يبيه
وجاي يساومني عليه
يبيني بالغصب اشتريه
وابيع شخصيتي فهواه
شوف التعب في نظرتي
في دمعتي في نبرتي
في شكوتي في صرختي
والصوت ما جاله صداه
جيت انا فحبه اعيب
قبل ما اعوفه واغيب
صرت في لحظة غريب
واقول في شيٍ عماه
حاولت اطيّب له جروح
استر وهي بس كم تبوح
ينكر وهي كلها وضوح
وقلبي اتعبني شقاه
مابيه انا وقلبي يبيه
وجاي يساومني عليه
يبيني بالغصب اشتريه
وابيع شخصيتي فهواه
حبيته انا وغصبٍ علي
خلاني احبه مو بدي
وان قلت انا بهدى شوي
تدفعني أوهامي لهواه
وظنيت انا بلقاني فيه
بلقاها هالفرحة في ايديه
وضعت انا في ألف ليل
ومشتني اهواءه وراه
يا لين اتعبني الطموح
والموت في عيني يلوح
كيف انسحب ولا اروح
والصبر له فايض عطاه
ظنيته لقلبي عشير
وعلى دروبه كنت اسير
الين ما اصبحت اسير
واليوم انا ما عدت اراه
مابيه انا وقلبي يبيه
وجاي يساومني عليه
يبيني بالغصب اشتريه
وابيع شخصيتي فهواه
التعليقات