كلمات اغنية أصوات – أيام ماشية

1. أيَّام ماشية وَرا أيَّام

عُمر بِحالُه سايبُه يسَرسِب

وشَبابي ولا فاكِر مِنُّه

غير صوتي ووِش محَبحِب

خالي وجودي مِن اللَّذَّة

مَنزوع دَسَمُه مِن غير فايدَة

مَربوط أنا بِحِبال وقيد

لا لنَفسي ولا غيري بافيد

ولا فيه مَعنى أعيش لُه بجَدّ

ويادوب أحلامي هِنا عَ القَدّ

والأيَّام كُلَّها لون واحِد

أمسي ويومي وحَتَّى الغَدّ

2. أنا مِش مَرمي وِسط زَمان

مالهوش وَصف أو عِنوان

والأيَّام بِتمُرّ وعايش

مالياش قيمَة كِدَه عَ الهامِش

دَه انا مَخلوق راقي وحَسَّاس

والله أبدَع في خَلقي يا ناس

إنسان ليَّ قيمَة وغايَة

لا هي عيشَة تعَدِّي وكفايَة

دَه انا فيَّ مِن شَبَهُه كتير

في الإبداع وفي التَّفكير

إزَّاي اكون واقِف مَركون

وانا مَفتوح قُدَّامي الكون

ما كفايَة رَكنَة وِسط رفوف

ما كفايَة وَقفَة وِسط صفوف

وحَكاوي مَليانَة بِلوم

نِفسي في بُكرَه غير اليوم