كلمات اغنية أصوات – يسوع غيرني

ق. يَسوع غَيَّرني مِش دَرَجَة والَّا اتنين

مِيَّة وتَمانين

نَوَّر لي حَياتي مِن بَعد ضَلمَة سنين

عايش تَرنيم

1. طَهَّر أفكاري قَدَّس نَظَراتي

سَلِّمتُه أموري وجَميع قَراراتي

وبَقيت انا ابنُه .. وجَمالي دَه مِنُّه

والماضي هاينسى ولَمَّا اقسى

هاياخُدني في حِضنُه

2. خَلَّاني قُرَيِّب فَرحان بوعودُه

عايش حُرِّيِّة أمجاد أولادُه

مِن قَبل الكون .. أنا فيه مَعلوم

عايش مِتحَرَّر مِتبَرَّر

أنا مِن غير لوم

3. لأ أنا مِش خايف أو قَلقان مِنِّي

مَعقولَة فَداني ومِش هايكَمِّلني!

ضامِن في الرِّحلَة .. هايكون لي مُعينها

طَبعًا هايكَمِّل ويجَمِّل

لِلصُّورَة بعينها

4. لِفاديَّ هارَنِّم وارفَع لُه صوتي

وهاقول لِلعالَم مابقيتش في موتي

ومَلا لي لِساني .. تَسبيح وأغاني

باشهَد عَن مَجدُه دَه مين قَدُّه

غَيَّر في كَياني