مساحة إعلانية
بعد ١٢ بليل "مش هنام و لا ايه؟"
عقلي قالي استنى كنت عايز اسأل ليه
ليه بنحكم علي المظاهر واللي ظاهر بس لينا
ليه نصنف البشر باللي شايفينه بعنينا
ليه بنصنع القوالب و نحط فيها الناس
ليه بنخترع قيود تحبسنا و ملهاش اساس
ليه بنقول بنقبل غيرنا زي ما هم في كل حال
واحنا عايزنهم زينا زي ما الكتاب ما قال
قلت لعقلى لا كفاية مش وقت الاسئلة دية
بس رجعت افكر فيها وفى حياتى اليومية
هو انا فعلا اخترت طريقى اللى ماشى فيه
ولا ماشى زى غيرى ومسألتش عايز ايه
عاوزهم يفهموني يحسوا بيا و يسمعوني
انا عاوز ابقي نفسي احقق حلمي مش حلمهم
انا عاوزأعرف هبقي فين هبقي مين هوصل لايه
بس خايف اكون لوحدي خايف ابقي عكسهم
قالوا اللى بيحدد جمالك هو بس شكلك
قالوا النجاح ان يكون معاك فلوس كتير
لازم تذاكر تطلع الاول زى ابن خالتك
لازم تخسى تبقى حلوة وتقابلى الامير
قالوا متفكرش بدماغك وامشى ورا اللى قبلك
مهو الصغير عقله يجى ايه جمب الكبير
قالوا البس اللى يحبه الناس وامشى جنب الحيط
قالوا الاتقان دة كانت زمان قالوا الطيب عبيط
قالوا حكايتك متعادة احنا كتبنهالك
متكررة متحددة عيشها زى ماقولناك
وانا عايز لحكايتى ابقى المؤلف والبطل
عايز احافظ عل امل ويفضل حلمى محتمل
عاوزهم يفهموني يحسوا بيا و يسمعوني
انا عاوز ابقي نفسي احقق حلمي مش حلمهم
انا عاوز أعرف هبقي فين هبقي مين هوصل لايه
بس خايف اكون لوحدي خايف ابقي عكسهم
مش محتاج تكون نسخة تانية لحد غيرك
كسر القالب واوعى تسيبه يحدد مصيرك
جرب عافر احلم و خلى الخوف مافيش
دي الحياه لو مش حياتك صعب انك تعيش
عمر ظروف وطباع الناس ما كانت هى هى
دايما فيه اختلاف بينهم ودى حكمة الهيه
ربك خلقك ليك بصمة مش شبه اي حد
قوم صدق في نفسك وهتعدي اي سد
كونك مختلف مش مشكلة
محتاج تلاقي دورك وتنفذه بجد
عاوزهم يفهموني يحسوا بيا و يسمعوني
انا عاوز ابقي نفسي احقق حلمي مش حلمهم
انا عاوزأعرف هبقي فين هبقي مين هوصل لايه
بس خايف اكون لوحدي خايف ابقي عكسهم
كل واحد مميز بطريقته .. خليك نفسك
كل واحد ليه الحكاية بتاعته .. عيش حكايتك
التعليقات