مساحة إعلانية
وقت غروب الشمس واقف على البحر بعيد
عمال بحكيله وأشكيله وأشرح وأعيد
فجأة لاقيتها وكنت فاكرها عروسة البحر
خارجة من الماية وطلتها أقوى من السحر
لما شوفتها قلبي دق ثلاث دقات
والطبلة دخلت لعبت جوا دماغي حاجات
لما الرق دخل قلبي رق وحنيت
طب هعمل إيه، روحت أنا غنيت
أمتى الحب طال قلبي ولا في الخيال
عودك ده فيه يتقال موال
ويا عيني ياه، يا سيدي على الأيام
لما تهادي قلوبنا غرام فجأة يهون كل اللي فات
ولاقيت جوايا خناقة كبيرة قامت على طول
عقلي يعقلني وقلبي يقولي "روحلها قول"
مخدتش ثواني وكان قلبي طالع كسبان
روحت وقولتلها، إن أنا ولهان
أمتى الحب طال قلبي ولا في الخيال
حبك ده فيه يتقال موال
ويا عيني ياه يا سيدي على الأيام
لما تهادي قلوبنا غرام فجأة يهون كل اللي فات
وتمر شهور وسنين على يومها ومش ناسيين
أنا شوفتك أمتى يا حب العمر وشوفتك فين
وبنيجي سوا نحكي حكايتنا هنا للبحر
عن قصة حب، أقوى من السحر
أمتى الحب طال قلبي ولا في الخيال
عشقك ده فيه يتقال موال
التعليقات