مساحة إعلانية
إحنا اللي اللحن عجبنا كتبنا عليه ونزلنا السوق
يا ابني حقوق إيه..ما تفوّق ده اللحن أساساً مسروق
إحنا الحرامية نويت تسرق فكّر برة الصندوق
شوف أكتر غنوة تريند
واعمل نفسك م الهند
صدّق نفسك صدّقني هتاخد الخطوة هتنجح عِند
إحنا قلبنا اليوتيوب
ما هو ربّك رب قلوب
وإنت بتظبُط ف البوستر حط عليه كلمة مطلوب
طول ما أنت بتشتم فينا هنفضل مطلب للجماهير
إحنا وصلنا وعدّينا ولسه كمان قدامنا كتير
كلنا جوانا عيوب
حرامية لكن بنتوب
لو بيتك من شوكلاتة ف ماتحدفش الناس بالطوب
أغاني مافيهاش ده جديد وقديم
أغاني مش محتاجة لجنة تحكيم
وهانكتب يومياتنا
تفاصيل حصلت ف حياتنا
بنحاول ناخد الفرصة وبنغنّي لناس زي حالاتنا
كنشة وفركة وحوارات وسلاح ومطاوي سيوف وعوايد
إحنا اللي سرقنا فلوس البنك وخدنا عليها فوايد
إحنا ملوك التجديد
أصل احنا قلوبنا حديد
أول ما هاتسمعنا هاتعرف من أصلي ومين تقليد
أربع تراكات في اليوم
بوسانوفا جيبسي ومقسوم
إسكندرانية وخاربينها وبايعينها وجايين عوم
أصل احنا في بلد المنشأ علشان كده دايما سابقين
لو شاكك بكرة تصدق بص وشوفنا وصلنا لفين
بنقدم حاجة تليق
إسمع سيبلنا تعليق
بس اوعى تقول سارقينها ليه تحكم قبل التحقيق
التعليقات