مساحة إعلانية
ببص ف المرايا لقيت شاب عدا ال20
العمر مني بيجري ومش عارف رايح لفين
راجعت ذكرياتي ابص واشوف عملت اي
لقيت حياتي فاضية وعمري دا مجرد سنين
كان اي مكان بخشوا لازم ميشو يكون الافضل
ناجح ف كل حاجة حتي نجحت ف كوني افشل
اسلام جميل وشاطر كله جاي من التربية
اسمه ف قايمة الاوائل مش محتاج دروس تقوية
2 بس ف حياتي كانو مخزن الاسرار
الشارع كان محظور كان متقفل ب الاسوار
وف يوم نطيت السور عشان اشوف الدنيا التانية
قابلت صحاب كتير ودخلنا جوا بعض ف ثانية
رمتلي الدنيا طعم وشبكت ف السنارة
روحت ل اقرب كشك وكانت دي اول زيارة
اول مرة ف حياتي احس فيها بالمرار
اول نفس اول دوخة حصلت من السيجارة
""""حياتك قصة فيلم لازم انت تكون بطلها
عاند ف الدنيا هتوصل اوعي تمشي تسيبها ف حالها
اتعب مهما تتعب لازم توصل ل اغلي هدف
اياك تعيش وتموت واسمك يتكتب ضيف شرف
حياتك قصة فيلم لازم انت تكون بطلها
عاند ف الدنيا هتوصل اوعي تمشي تسيبها ف حالها
اتعب مهما تتعب لازم توصل ل اغلي هدف
اياك تعيش وتموت واسمك يتكتب ضيف شرف"''''"
شبكت ف تاني طعم رمتو الدنيا ليا
كانت قصة حب اول قصة حقيقة
حبتها زي ماحبتني كانت بداية بركان نار
حاربت الكل عشانها وخدتها غصب واقتدار
قولت هعيش معاها ولو سال من الدم انهار
كانت جميلة زي البحر بس نسيت انه غدار
كانت ف حتة تانية بالنسبالي كانت غير
كانت زي فنجان قهوة بس دلق القهوة خير
ف لحظة باعت ومشيت
وف عيني الدنيا وقفت
كنت اتمني تفضل جنبي كنت اتمني فيا تمسك
حاربت تاني مرة بس التانية كانت عشاني
حاربت تاني مرة بس عشان احقق احلامي
ولما وقفت تاني عازت ترجع باشتياق
جت قالتلي ندمت يارتني ماكنت اخترت الفراق
قولتلها انتي اللي اخترتي واللي بعتي واللي خنتي
قولتلها كنت ليكي فعل ماضي انتي كنتي
""""حياتك قصة فيلم لازم انت تكون بطلها
عاند ف الدنيا هتوصل اوعي تمشي تسيبها ف حالها
اتعب مهما تتعب لازم توصل ل اغلي هدف
اياك تعيش وتموت واسمك يتكتب ضيف شرف
حياتك قصة فيلم لازم انت تكون بطلها
عاند ف الدنيا هتوصل اوعي تسيبها ف حالها
اتعب مهما تتعب لازم توصل ل اغلي هدف
اياك تعيش وتموت واسمك يتكتب ضيف شرف"""""''
عايش ف الدنيا بعدي مش مهتم بالتفسير
رغم سني الصغير بس اتعلمت منها كتير
اتعلمت انها مش دايمة زي ماتاخد زي ماتدي
اتعلمت اني مزعلش الحلو والوحش هيعدي
انت قادر رغم قيودك انك تحقق النجاح
واللي سابك وقت شدة ملوش عندك غير السماح
واوعاك تسيب طريق بحجة انك وقعت مرة
قوم وثق ف نفسك دي حياة الفاشل مرة
الدنيا بتدي الضربة ورا الضربة عشان تعلم
ياتقف صالب طولك ياتميل وتكون عايش متألم
اتعب واسعي واحلم واتعلم من الدروس
بلاش تقف مكانك مستني تيجي بالحظوظ
خلي اللي باعك يندم علي لحظة انت مكنتش فيها
خليه يدور علي نسخة منك مستحيل انه يلاقيها
خليك واثق ف ربك كل وقت وكل ادان
ع طول واقف جنبك اسعي اكتر يسعي معاك
""""حياتك قصة فيلم لازم انت تكون بطلها
عاند ف الدنيا هتوصل اوعي تسيبها ف حالها
اتعب مهما تتعب لازم توصل ل اغلي هدف
اياك تعيش وتموت واسمك يتكتب ضيف شرف
التعليقات