كلمات اغنية إيان و نانسي نصرالله – نسينا

"أوقات بلحظة غضبْ

عم ناخذ قرار

منقول هيدا لي انكتبْ

وبنفترق بنهار

انا ما بتنازل عن حقي

قال يعني رِجَّال وشرقي

وما حاولتي حدي تبقي

تنكمل المشوار

منختلف على اشيا زغيرة

ما الها اعتبار

منتركها ت تصير كبيرة

وما منعمل حوار

بتؤمرني ت أُعمُل هَيْك

وانا مني خاتم بإيدَيك

بْعصِّب أنا وبردّ عليكِ

متل ولاد زغار

‏

نسينا إنّو عنا عيلة

وفرَّقنا الولاد

وكل واحد فينا بميلة

وعنن صرنا بعاد

انتي تحطي الحق عليي

وانا قلّك ما عاد فيي

صاروا الولاد الضحية

من ورا العْناد

في بيت زغير بيجمعنا

وْفي عشرة عُمر

والحب رح يبقى معنا

ونقطة عالسطر

لو فينا واحد متضايق

زعلان وحالو مش طايق

من كلمة حلوة عالرّايق

بيروح القهر"