كلمات اغنية ابو حمدان – سلطانة الحسن

شغلو الشيله وعلو في صداها

واخلو الساحه من اولها لتالي

جاتكم سلطانة الحسن اتباها

اتمايل كنها خشف الغزالي

من تنافسها تبي تتعب معاها

تبطي وتبطي وتبطي لا جدالي

قبلها اللي نافسو راحو فداها

ومالقا الحاسد لطيحتها مجالي

ياحلاها ايه والله ياحلاها

كامله وأكثر ولله الكمالي

فارقه محدٍ يشابها سواها

من قبول لهيبه لملح ودلالي

طرف ناعس عين دعجاء يابهاها

خشم سلة سيف يازين الخصالي

الجمال الغض فستان ٍ كساها

فالقوام المخلي شيٍ خيالي

الزهر يتعطر بنفحة شذاها

والقمر من نوره الباهي يلالي

الثريا والله ادنى مسواها

شيخةٍ فالعز مركزها المعالي

ساسها الفخر ايتفاخر به معاها

ساس عز وفخر وامجاد ومعالي