كلمات اغنية اجتماع الشباب جاردن سيتي – مراحمك

مراحمك يا إلهي.. غيرِ مُحصَاة

وَكَثيرَة جِدًّا.. هِي رأفَتَك

طَمِّني وجودك قوي.. وسلامَك يا ألله

مَلا قلبي. أنا فرحان.. والفَضل لرحِمِتَك

***

عايش مرتاح البال

مِش بتكتِّفني حبال

أرفع عيني عالجِبال

ليه! ده انا عُوني مـ السموات

اللي صنعها بمقدِرَة

وِخَلَق ما يُرَى وما لا يُرَى

عينه عليَّ ساهرة

وساندني فـ الأزمات

***

مِش بتسيب رِجلي تزِل

ولا حَد لنَفسي يذِل

وِفـ قُربَك باعتَزِل

أي هموم واكتِئابات

ماباخافشي من الأيام

واقع مش بَس كلام

لا بتنعس ولا بتنام

وحارسني طول الأوقات

***

ويايا فـ خُروج ودخول

مسئول عني على طول

ده شرف.. أنا كُنت أطول!

كل ده حُب! كده كتير

كده صيف شتا شمَس قمر

الله مولايا أمر

يحميني من كل خطر

لما يحوِّلهولي خير