مساحة إعلانية
بنحاول بنزيح
ماشيين فى عكس ريح
نقول يارب
نشوف النور فوسط ليل
راسمين ورود بدون جذور
ماشيين ندور ع الحياه
عايشين نحوم وسط البكا على الامل
امبارح زى بكرة معندهمش فكرة
انهم زى الصريخ بين السكات
الكون يدور وارضى بور
مفروض عليا اعيش حياه
مفروض عليا انى ابعد عنهم
الامور بتسوء يوماتى بيا
طير وطاير بين غيوم
مفيش دوافع للحياه مفيش حلول
نهارى ليلى مفيش شروق مفيش غروب
ومع مرور الحنين لذكرى حلوة فاتت من شهور
صوت غنايا يصبح موج من غير بحور
والزمان عمال يعدى بدون شعور
العمر بيجرى
وحالف ما يعدى
غير وهو واخد كل جميل معاه
نقفل جروح تفتح جروح
الدمع مسجون فى العيون
حتى القلوب مش لابسه توب غير الوجع
بنجرب و نسافر بخيالنا للاخر
عشان راحتنا بنشوفها فى خيال
تعيش تموت من غير شروط
والقلب يعلى لحد فوق
بس في ثوانى اوام تفوق على الوجع
الامور بتسوء يوماتى بيا
طير وطاير بين غيوم
مفيش دوافع للحياه مفيش حلول
نهارى ليلى مفيش شروق مفيش غروب
ومع مرور الحنين لذكرى حلوة فاتت من شهور
صوت غنايا يصبح موج من غير بحور
والزمان عمال يعدى بدون شعور
انفطر قلبي عليكو عجز لساني
اشلاء محارب فالطريق ولا حد دارى
خلاص فات الاواان
بشاعة الفراق .. زى الممات
الامور بتسوء يوماتى بيا
طير وطاير بين غيوم
مفيش دوافع للحياه مفيش حلول
نهارى ليلى مفيش شروق مفيش غروب
ومع مرور الحنين لذكرى حلوة فاتت من شهور
صوت غنايا يصبح موج من غير بحور
والزمان عمال يعدى بدون شعور
التعليقات