مساحة إعلانية
920x160
تواصل معنا
لسه بحاول
بقع و اقوم
واقدر ع الهموم
شوية و تقدر عليا
و مـ الاقدار المستخبية خايف
مع ان عمري ما كنت خايف
لكن الاحتياط واجب
اصل اللي فات سايب
في الروح علامات
و كل علامة ليها حكايات
حكايات كتير انا مليتها
لكني لسه بحاول
شايف بكره بعيون الهاوي
الغاوي يوصل اخر الدنيا
و اللي بعدها
اللي لا يكل ولا يمل
يزعل لو الحمل يقل
لسه قلبه ابيض طيب
لا يعرف للكره طريق ولا الغل
شايف بكره بعيون الحكمة
الفكرة الكلمة
المعنى اللي يجمعنا
مش الطريق اللي يبعدنا
لسه بحاول
فـ سامحوني ان ضليت
وما تصدقوش حتى لو قولت انا انتهيت
ده انا لغاية اخر نفس فيا
لسه بحاول
التعليقات