مساحة إعلانية
كلب بلدي
حب كلبه لولو
هيا ساكنه في ڤيلا
و هو طلعان عين أبوه
كلب بلدي
حب كلبه لولو
هيا ساكنه في ڤيلا
و هو طلعان عين أبوه
كان بيشوفها كل يوم
في جنينة بيتها كالعادة
و طوقها الأحمر الجميل
بيشوفه ينط من السعادة
أبوه كان كلب عجوز حكيم
قاله خليك في السليم
و شوفلك كلبه تكون من توبنا
أستغفر الله العظيم
محناش قد البلاديه يابني
و أخاف لا صحابها يقتلوك
كلب بلدي
حب كلبه لولو
قال مش هلف خلاص و أدور
قررت أدخل و أشوف عنيها
دي علشانها أنط ألف سور
لازم أعترف بحبي ليها
قام نط السور دخل الجنينه
قالتله أخرج بره أرجوك
أحسن لو حد دخل علينا
هينفخوني و ينفخوك
قالها بحبك و قالتله
I love you
هوهولها و هوهوتله
هوووووووو
لكن يا خسارة صحابها شافوههم
و حبسوها و طردوه
قالولها فرحك الخميس
على كلب بوكسر من باريس
كلب إبن أصل و إبن عيلة
مش كلب بلدي فقير و سيس
كلب بلدي
حب كلبه لولو
هيا ساكنه في ڤيلا
و هو طلعان عين أبوه
كلب بلدي
حب كلبه لولو
هيا ساكنه في ڤيلا
و هو طلعان عين أبوه
التعليقات