مساحة إعلانية
على وضعنا ومعديينو
اووى بخمسة
ستة كيلو الصحاب
انا اللى صحابى
كلهم رجالة
ريسبيكت
منى ليكو
حافظينها ولفينها
من شرقها لغربها
لما نحب نعمل حاجه
بنعملها ونوصل لها
اقل واحد فينا
معاه شفرتها
وحلها
ما بنخافش من حاجه
طول ما معانا ربنا
لما الدنيا بتيجى
علينا بنقف لها كلنا
ولما بتجيلنا الفرحة
بنقسمها على بعضنا
مش بمزاجنا الجدعنة
دى بتجرى فى دمنا
اهالينا مربينا عالرجولة من صغرنا
سر نجاحنا تقديرنا لبعضنا
وسط كل الناس بنكبر نفسنا
وفى اى مكان يتقال اسمنا
سيرتنا تبقا حلوة
والبشر بتحبنا
مش اى واحد انت عارفه
تقول عليه صاحبك
صاحبك اللى يقدرك
ويخاف على شكلك
صاحبك اللى لما الدنيا
تضلم ينورلك
صاحبك اللى يخاف عليك
من اى حاجه تضرك
الحياة فعلا غريبة
بس بردوا ليها معنى
واى حاجه بتحصل لينا
يبقا ليها حكمه
ممكن حاجه وحشة
تحصل تبقا
فى مصلحتنا
وحاجه مفكرنها
حلوة تدمر حياتنا
ودايما فى بالى
هعيشها مره واحدة
والدنيا ما بتجبش اللى
فاكرها لعبة سهلة
الدنيا حلاوتها
وسرها فى الفكة
معاك فلوس كتير
هتلاقى الدنيا سالكه
على وضعنا ومعديينو اووى
بخمسة ستة
كيلو الصحاب
انا اللى صحابى
كلهم رجالة
ريسبيكت منى ليكو
ملناش فى الدخان
ولا بنحب الحرام
وانا و الشمال دايما اخصام
والصحاب ساحب
لورا يا لقدام
عشان كده
انا اصحابى
كلهم تمام
مش احسن من حد
ولا حد احسن مننا
متقسة بالعدل ما بينا كلنا
ميينفعش كل حاجه
عندك تبقا عندنا
عشان تحتاجلى
واحتاجلك
ونكمل بعضنا
التعليقات