مساحة إعلانية
كل ما افكر اقوم واتنكر
وانزل اسهر شله واصور
بالعربيه نلف ندور
برجع الاقي الوقت اتاخر
________________________
نفسي اخرج من ما اتهور
او ازيف بكلام او احور
متخيل عقلي ومتصور
اني هروح بدري مأفور
________________________
لازم اكلم امي واشوفها
ولا اسيبها تيجي بظروفها
يمكن يحصل اللي فـ بالي
ويمكن ارجع بدري واشوفها
________________________
طلعت البلكونه ورنيت
عالشله تجيني تحت البيت
بصيت علي بيت بنت جيراني
شوفت تفيده قومت اتخضيت
______________________________________
سحرك اخدني من حالي وجري
انا مستعد اجي يوم واشتري
طالب رضاكي راجعي وفكري
وابقي قوليلي
--------------------------
يا جمال طبيعي انا قلبي اشتكى
بقى حالي صعب محتاج هشتكه
محتاج افرفش اسمع فرتكه
بكره تجيلي
________________________________________
قلبي وقع من الخضه اتشل
اصل البنت دي مالهاش حل
زي القطه البيضه القشه
وقلبها ابيض زي الفل
-------------------------
امتي يا قلبي تروق وتحن
وعلي بيتنا تخبط وترن
دي عودها يجن عليها اسكن
يخلي النحله تدور وتزن
--------------------------
دخلت عقلي بدون ما افكر
دخلت تتخفى وتتنكر
جيبت رقمها وجيت اكلمها
طلعت مرتبطه بواد سكر
--------------------------
قومت مقرر اقوم واتحرر
وانزل اسهر شله واصور
بالعربيه انزل وادور
وارجع لما الوقت ياخر
--------------------------
ونزلت الشارع اتمشيت
علي بيتها وقفت استنيت
حدفت ورقه كبيره وزرقه
مكتوب فيها انت اتخضيت
--------------------------
اتعصبت جامد وعليت
ونسيت ان انا تحت البيت
قومت موطي جايب طوبه
وحدفتها جامد وجريــــت
ــــــــــــــــــــــــــــــــــــــــــــــــــــــــــــ
صدمتني صدمه طلعت من عيني
كانت مستعده تقصف جبهيتي
كثفتني وسط اهلي وحتتي
مين هينسيني
_______________________
صدمتني صدمه طلعت من عيني
كانت مستعده تقصف جبهيتي
كثفتني وسط اهلي وحتتي
مين هينسيني
______________________________________________
التعليقات