مساحة إعلانية
تحت خط الستر ناس بتقول يارب
احلام بسيطه فى قلب ام واى اب
تحت خط الستر ناس أبطال بجد
عايشين ظروف متلغبطة ومتشتكيش ابدا لحد..
وسط الحوارى الضيقه تلقى الاصول والجدعنة
فى بيوت بسيطة محندقة لاكن كبيرة بأهلها
ناس حلوة سهلة مسلمه ورغم الظروف اهل الكرم
شبعانة غلب وجدعنة واصغر
ما فيهم محترم
وتشوفها دايما من بعيد مرتاحة مش حاسة بحرج
علشان بترضى بالقليل والصبر مفتاح الفرج
محسودة من أهل الفلوس على النفوس الطيبة
بدوس فى الخير وبتدى دروس ودموعها غالية قريبة
ناس بتصحى الفجر تنزل ع الشقى
علشان تعافر فى الحياة متعشى فى ظروف ضيقه
كل المشاكل عندها ومعندهاش ابدا مشاكل
متلعبكة متكركبة وضحكتها دايما بجلاجل
مستوره اوي و دي الحياه مستوره
لو حتي تبان مقفوله
وساعات بتضيق و بتفرج
و الحكمه تبان في الصوره
مستوره و اللي في جيبي مش معايا
مستوره مهما ضاقت الفلوس
مستوره و الزتونه في الحكايه
الصبر و الرضا غني النفوس
بتشيل فى جبال هم ميتلم وتمشى أمورها ويمشى الحال
وتربى عيالها بحرق الدم وتنام مرتاحة و رايقه البال
تلقاها فى وقت الشدة معاك سبقاك وتمد الايد فى الايد
وهتقسم نص رغيفها معاك وتجيلك لو حتى انت بعيد.
شقيانه من كتر الشقي معلم عليها
لكن وشوشها منوره ربك كريم انعم عليها
الرزق مش بحاجات كتير ممكن يكون مال او عيال
ممكن يكون قلبك كبير ممكن يجيلك راحه بال
ممكن تكون مريض واعصابك حديد.
ممكن تكون فقير بتحبك ناس كتير.
ممكن تكون قاعد ايجار وفى أهل بيتك العمار عزوة حبايب ناس كتار عيل يكون امير.
الستر مش مادة وفلوس الستر ياما حجات كتير
التعليقات