كلمات اغنية اكرم حسنى – لو كنت (مع هيفا وهبي)

لو كنت أرنب كان أكيد هيبقي الفيل صديقي

لو كنت مجلة كنت هكون سمير مش هبقي ميكي

لو كنت خاتم طبعا كنت هتألمظ عليكي

لو كنت جبل طارق انا كنت سألتك عن مضيقي

لو كنت مسابقة كنت هبقي مسابقة إختيار ملكات جمال وأشوف بنات جمال وهناك أنا هشتكيكي

لو كنت كتاب أنا كنت هبقي كتاب عن الجمال

لو في سؤال عن الدلع أنا إجابة السؤال

لو كنت سكة هكون يمين أنا عمري ما أكون شمال

معادلة صعبة و حلها محتاج ألف أحتمال

لو كنت لعبة كنت هبقي عروسة باربي لابسة بمبمي أما قلبي عمره ما يلعب بيه عيال

لو كنت يوم و فات كنت أبقي يوم تلات

مش عايز اكون كلام أنا عايز أكون سكات

لو كنت هبقي حاجة مهمة من الحاجات

هكون سمايلي فيس مكشر في جروب أمهات

لو كنت قطة حلوة كنت هبقي أكيد سيامي

لو كنت حي إسكندراني كنت أختار ميامي

لو كنت فلفل أحمر كنت هبقي قرن حامي

لو كنت بتفهم في الكلام يبقي هاتفهم كلامي

لو كنت آله حادة كنت هبقي حابة أحط حد لأي حد مش عاجبني و طظ ف الاسامي

لو كنت أكلة كنت هبقي بط بالفريك

عشان البط بالفريك مابيحبش شريك

لو كنت ورقة بتتمضي انا كنت هبقي شيك

لو شفت أي فرخة أكيد ساعتها هبقي ديك

لو كنت جيم مستحيل كنت أبقي ميكس و أحط إكس علي الولاد و هدخل اي بنت شيك

لو كنت يوم و فات كنت أبقي يوم تلات

مش عايزة أكون كلام أنا عايزة أكون سكات

لو كنت هبقي حاجة مهمة من الحاجات

هكون سمايلي فيس مكشر في جروب امهات

لو كنت كرسي كنت هبقي كرسي الأعتراف

لو هبقي شكل هندسي هميل للإنحراف

لو كنت دفتر كنت هبقي دفتر إنصراف

أنا كنت هبقي حاجة جامدة بين حاجتين ضعاف

لو كنت وجبة طبعا عمري ما كنت هبقي سوشي لأ

أسف مالمسوشي أو أقرب منه حتي لو نطق قصادي عمري ما أكل منه حته

لو كنت عين مغمضة كنت أبقي بردو شايفة

لو كنت كلمة هبقي صادقة مش هبقي زايفة

لو كنت لمبة هكهربك و عليك مش هبقي خايفة

لو أنت أكرم حسني لأ معلش أنا بردو هيفا