مساحة إعلانية
ميجانا ويا ميجانا ويا ميجانا بارك يا بونا تنبلش بالغنى
عنكم يا حبابنا بالفعل ما لنِا غنى البعد عنكم فقر وحضوركم غِنى
يلا نسبِّح ربنا بعزف وتسبيح وغنى حتى تفيض علينا نعمة ربنا الله محبة اللي بيجمع شملنا
(لحن : موليّتن)
عالعين موليّتن حلوة السهريّة جايين نصلّي سوى لرب البريّة
إنت إلنا الراعي ونحنا حملانك إنت الصوت الداعي نحملّ إيمانك
إنت الحب الساعي تجمع خلاّنك تا يبقى شعبك واعي معنى الخطيّة
إنت النور الكافي تا تكشف طريقي بمشي دروبي حافي ربي صديقي
إنت القلب الشافي عزيني بضيقي إنت الحب الصافي يا نور عيني
(لحن: سيجنا لبنان)
هالدنيي بستان خالقها نقىّ وردة الإنسان بيخلقا توقّا
وردة بجنينة أزهار من عطرا الشوكة بتغار
بترميها بشوكة نار تا الوردة تخسر حقّا
هالوردة دبلت بكّير العطر لفيها خفّ كتير
صار بدا مخلّص كبير تا يقدِر يدفع حقّا
(لحن: يا ساري صار الليل)
يا عيوني سهراني بِكاس القربانة
عيوني لمّا الناس تنام بكاسك سكراني
بتأمّل بالمصلوب والعنبر يعطي طيوب
والشمعة عم بتدوب قدّامك غفياني
يا ساكن بي قلبي يا إلهي وربّي
إنت النوّر لدربي ومقوّيلي إيماني
(لحن: دخل عيونك)
ربّي بحبّك قوّينا درب النعمة مشّينا
منطلب منّك يا يسوع من الخطيّة تنجينا
ربّي ربّي ربّي
الإنسان العايش تعبان وقلبو بالحقد مليان
وحدك يا نبع الحنان درب المحبة هدينا
منطلب منّك يا يسوع من الخطيّة تنجينا
ربّي ربّي ربّي
بكلامك ربّي مذكور إنتو نور بليل الجور
وحتى نبقى ملح ونور النعمة يا ربي اعطينا
منطلب منّك يا يسوع من الخطيّة تنجينا
ربّي ربّي ربّي
(لحن: مرحبتين)
مرحبتين مرحبتين عالدبكي اشبكوا الإيدين
يسوع بيقى موجود كل ما بإسمو اجتمعوا اتنين
(لحن: بيت الشعر يا عيوني)
إنجيلك ربي مكتوب بقلبي وبعينيّ
عالدنيّ وزع طيوب محبة سماوية
(لحن : جيب المجوز يا عبود)
يا فرحة طلّي من بعيد تا الدنيي تشتي زغاريد
ويا ناس لكنتي حزناني غنّي مع يسوع العيد
الفرحة للإم التعباني ع ولادا عم تسهر
لعيون الحب الغرقاني بالوج العم يكبر
رَكعِت عم بتصلّي ع ولادي ردلّي
ويا ربي دخلك ما تخلّي البغض بقلب الناس تزيد
(لحن: الدلعونا)
على دلعونا وعلى دلعونا يسوع ومريم حبّن عطيونا
بهالسهرة نحنا فيها اشتركنا الله موجود وعم بيشاركنا
لو كنّا تنين باسمو باركنا ووجودو معنا نعمة بتكونا
متل فراشات الصيف العشقاني بجنينة ورد زهورا فرحاني
قلبي عشقان عيوني سهراني وحياتي لحبك ربي مرهونا
التعليقات